អត្ថបទពាណិជ្ជកម្ម
Central Park Sports Complex កន្លែងដ៏មានផាសុកភាពសម្រាប់លេងកីឡា, ទទួលទាន និងសម្រាក នៅកណ្ដាលក្រុងភ្នំពេញ
× ភ្នំពេញ៖ ក្រោយពីក្លាយជាទីតាំងដំបូងគេ ដែលបានបើកទ្វារជាសាធារណៈ នៅក្នុងទីក្រុងភ្នំពេញស៊ីធីសេនធ័រ (PPCC)មក ការបើកសម្ពោធក្លិបហាត់ប្រាណ Alpha Fitness និងភោជនីយដ្ឋាន Buffet Station ជាសញ្ញាបង្ហាញឲ្យឃើញ ពីដំណើរវិវត្តន៍ និងការអភិវឌ្ឍន៍របស់គម្រោង Central Park Sprots Complex ដែលជាមណ្ឌលសម្រាប់ហាត់កីឡា និងសម្រាប់ការរស់នៅប្រចាំថ្ងៃក្នុងគម្រោង PPCC។
លោក សោម សឿង នាយកគ្រប់គ្រងទូទៅរបស់ Central Park Sprots Complex បានពន្យល់ថា ក្លិបហាត់ប្រាណ Alpha Fitness គឺជាទីតាំងហាត់ប្រាណដែលមានគុណភាពខ្ពស់ សម្រាប់ប្រជាជនកម្ពុជា ដែលមានការយល់ដឹងកាន់តែខ្លាំងឡើងពីរឿងសុខភាព ដោយវាមានបំពាក់សម្ភារបង្កើនសាច់ដុំ និងឧបករណ៍នានា ដូចជាម៉ាស៊ីនរត់ជាដើម។ លោក សោម សឿង បន្តថា៖«សមាជិកផ្សេងៗរបស់យើង បានសុំឲ្យមានក្លិបហាត់ប្រាណ ដើម្បីជួយឲ្យពួកគាត់មានរាងសមសួនជាងមុន ហើយកាន់តែពូកែលេងកីឡាជាងមុន។ ខ្ញុំទន្ទឹងរង់ចាំ ចង់ឃើញអ្នកលេងកីឡាធម្មតា អភិវឌ្ឍខ្លួន និងលូតលាស់ ហើយសង្ឃឹមថា Alpha Fitness នឹងក្លាយជាកត្តាជំរុញទឹកចិត្ត ឲ្យមនុស្សថ្មីៗមួយចំនួន ចង់ធ្វើឲ្យជីវិតរបស់ខ្លួនមានសុខភាពល្អជាងមុន និងមានភាពសកម្មជាងមុន»។
ក្លិបហាត់ប្រាណនេះ មានវត្តមានព្រមជាមួយនឹងទីតាំងលេងកីឡាផ្សេងទៀត នៅក្នុងគម្រោង Central Park ដែលក្នុងនោះរួមមាន លានលេងកីឡា Futsal ចំនួន៦ទីលាន ដែលអាចលេងគ្រប់រដូវកាលបាន, ទីលានបាល់ទះមានដំបូលចំនួន២ និងលានលេងកីឡាវាយសីចំនួន៤ ដែលមានគ្របដំបូល។ ទាំងអស់នេះ បានជួយធ្វើឲ្យ Central Park មានការពេញនិយមខ្លាំង។
គម្រោងបន្ថែមថ្មីៗ នៅទីតាំងដែលស្ថិតនៅលើផ្លូវលេខ១៦៩ដែលពុះកាត់ ចំកណ្ដាលទីក្រុងភ្នំពេញស៊ីធី-សេនធ័រ រួមមានហាងអាហារ និងភេសជ្ជៈ ដែលក្នុងនោះរួមមានហាងកាហ្វេ Amazon និងHighland Coffee ហាងលក់សម្លៀកបំពាក់ ហាងកាត់សក់ និងភោជនីយដ្ឋាន ដែលមានបម្រើមុខម្ហូបខ្មែរ ជប៉ុន និងមុខម្ហូបអន្តរជាតិដទៃទៀត។
លោក Alex Lau នាយកគ្រប់គ្រងក្រុមហ៊ុន PPCC បានពន្យល់ថា៖ «យើងមានក្ដីរំភើបរីករាយក្នុងការនាំមកនូវមណ្ឌលលេងកីឡាមួយទៀត ដែលមានគុណភាពខ្ពស់ ចូលមកក្នុងភ្នំពេញស៊ីធីសេនធ័រ ដែលស្ថិតនៅចំកណ្ដាលរាជធានីភ្នំពេញ។ ដោយផ្ដោតការយកចិត្តទុកដាក់លើការរស់នៅបែបទំនើប និងយល់ដឹងពីបរិស្ថាន ដូច្នេះយើងត្រូវផ្ដល់នូវវិធីសាស្ត្រផ្សេងៗ កាន់តែច្រើន សម្រាប់ឲ្យពលរដ្ឋ ភ្ញៀវ និងសិស្សានុសិស្សកាន់តែច្រើន ដែលរស់នៅក្នុងភ្នំពេញស៊ីធីសេនធ័រ អាចរស់នៅប្រកបដោយសុខភាពល្អប្រពៃ»។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com