ជប៉ុនផ្តល់ថវិកាជាង៣០ម៉ឺនដុល្លារ សម្រាប់អភិវឌ្ឍវិស័យសុខាភិបាល និងអប់រំ នៅកម្ពុជា

ជាតិ

ជប៉ុនផ្តល់ថវិកាជាង៣០ម៉ឺនដុល្លារ សម្រាប់អភិវឌ្ឍវិស័យសុខាភិបាល និងអប់រំ នៅកម្ពុជា

30, Nov 2018 , 8:59 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ រដ្ឋាភិបាលជប៉ុន បានឯកភាពផ្តល់ថវិកាសរុប ៣៥៣,២៧៦ ដុល្លារអាមេរិក ដល់កម្ពុជា។ ថវិកានេះជាជំនួយឧបត្ថម្ភឥតសំណង «សម្រាប់គម្រោងទ្រង់ទ្រាយតូចសន្តិសុខមនុស្សជាតិ» ក្នុងខេត្តចំនួន៤។ នេះបើតាមទំព័រហ្វេសប៊ុករបស់ស្ថានទូតជប៉ុនប្រចាំកម្ពុជា ថ្ងៃទី៣០វិច្ឆិកា។

ចំនួនថវិកាខាងលើនេះ ត្រូវបានផ្តល់ និងបែងចែកយ៉ាងច្បាស់លាស់ ទៅតាមមន្ទីរខេត្តនៃក្រសួងនីមួយៗ។ ក្នុងនោះជប៉ុន បានផ្តល់ថវិកា ៨៨,៩៩៥ ដុល្លារ ដល់មន្ទីរធនធានទឹកនិងឧតុនិយម ខេត្តកំពង់ស្ពឺ។ ថវិកា៨៧,៣០៤ ដុល្លារ ផ្តល់ដល់មន្ទីរសុខាភិបាលខេត្តតាកែវ។

ចំណែកថវិកា ៨៩,១៦២ ដុល្លារទៀត ជប៉ុនផ្តល់ឲ្យមន្ទីរអប់រំយុវជន និងកីឡាខេត្តកណ្តាល ខណៈថវិកា៨៧,៨១០ ដុល្លារ ផ្តល់ឲ្យមន្ទីរកសិកម្ម រុក្ខាប្រមាញ់ និងនេសាទ សម្រាប់អភិវឌ្ឍវិស័យកសិកម្ម ។

យោងតាមរបាយការណ៍របស់ទីភ្នាក់ងារសហប្រតិបត្តិការអន្តរជាតិជប៉ុន បង្ហាញថា ចាប់ពីឆ្នាំ២០១២ ដល់ ២០១៦ ប្រទេសជប៉ុនបានផ្ដល់ជំនួយឥតសំណងចំនួន ១,៩៧២រយលានយ៉េន (ប្រហែល១,៧ពាន់លានដុល្លារអាមេរិក) ប្រាក់កម្ចី ១,១៦៨រយលានយ៉េន (ជាង១ពាន់លានដុល្លារអាមេរិក) និងជំនួយបច្ចេកទេសចំនួន ៨៧០រយលានយ៉េន (ជាង៧៦៤លានដុល្លារ) ដល់ប្រទេសកម្ពុជា៕