រយៈពេល១១ខែ រមណីយដ្ឋានអង្គររកចំណូលបានជាង១០៤លានដុល្លារ

ជាតិ

សេដ្ឋកិច្ច

រយៈពេល១១ខែ រមណីយដ្ឋានអង្គររកចំណូលបានជាង១០៤លានដុល្លារ

01, Dec 2018 , 3:19 pm

រូបភាព

រូបពីហ្វេសប៊ុកក្រសួងទេសចណ៍

ដោយ: ធឿន បញ្ញាឬទិ្ធ

ចំណូលពីការលក់សំបុត្រចូលទស្សនារមណីយដ្ឋានអង្គរ រយៈពេល១១ខែនេះ មានចំនួន ១០៤,៥២៧,៥៣១ដុល្លារ ដែលកើតឡើង៩.២៧ភាគរយ បើធៀបនឹងរយៈពេលដូចគ្នា កាលពីឆ្នាំ២០១៧។ នេះបើតាមការផ្សព្វផ្សាយរបស់គ្រឹះស្ថានអង្គរ។

ក្នុងសេចក្តីជូនដំណឹងបានឲ្យដឹងទៀតថា រយៈពេលពេញ១ខែវិច្ឆិកា ឆ្នាំ២០១៨នេះ មានភ្ញៀវទេសចរមកទស្សនា ចំនួន ២៣៣,១២៥ នាក់ ថយ ៦,៤៦ភាគរយ និងចំណូល១០,៥៩៩, ៦០៥ ដុល្លារ ថយចុះ ៧,៤០ភាគរយ បើធៀបនឹងខែតុលា ២០១៧។

បើសរុបក្នុងរយៈពេល១១ខែ ឆ្នាំ២០១៨នេះ ភ្ញៀវទេសចរមកទស្សនារមណីយដ្ឋានអង្គរមានចំនួន ២,៣២៣,១៦៨ នាក់ បើធៀបរយៈពេលដូចគ្នាននឹងឆ្នាំ២០១៧កើន ៦,០៩ ភាគរយ និងចំណូលសរុប កើន ៩,២៧ ភាគរយ។ នេះបើតាមគ្រឹះស្ថានអង្គរ។

គ្រឹស្ថានអង្គរបានឧបត្ថម្ភថវិកាដល់មូលនិធិមន្ទីរពេទ្យគន្ធបុប្ផាក្នុងរយៈពេល១១ខែក្នុងឆ្នាំ២០១៨ ចំនួន៤,៦៤៦,៣៣៦ ដុល្លារ៕