កីឡាជាតិ
ជាតិ
កម្ពុជានឹងធ្វើជាម្ចាស់ផ្ទះព្រឹត្តិការណ៍ AFF U22 Championship នៅឆ្នាំក្រោយ រូបភាពពីហ្វេសប៊ុកសហព័ន្ធកីឡាបាល់ទាត់កម្ពុជា
× កម្ពុជានឹងធ្វើជាម្ចាស់ផ្ទះការប្រកួតពានរង្វាន់សហព័ន្ធកីឡាបាល់ទាត់អាស៊ីអាគ្នេយ៍ AFF U22 Championship 2019 ចន្លោះពីថ្ងៃទី១៧ ខែកុម្ភៈ ដល់ថ្ងៃទី២ ខែមីនា ឆ្នាំ២០១៩ នៅពហុកីឡដ្ឋានជាតិ។ ការប្រកួតដែលមានក្រុមជាសមាជិករបស់សមាគមកីឡាបាល់ទាត់អាស៊ានចំនួន១១ចូលរួមនេះ បែងចែកជាពីរពូល។
នេះជាលើកទី១ហើយ ដែលកម្ពុជាទទួលបានសិទ្ធិធ្វើជាម្ចាស់ផ្ទះការប្រកួតពានរង្វាន់សហព័ន្ធកីឡាបាល់ទាត់អាស៊ីអាគ្នេយ៍អាយុក្រោម២២ឆ្នាំ AFF U22 Championship។ ពានរង្វាន់កម្រិតអាយុ U22 ឬ U23 បានបង្កើតឡើងនៅឆ្នាំ២០០៥។ តែតាំងពីពេលនោះមកដល់បច្ចុប្បន្នពានរង្វាន់នេះដំណើរការបានតែមួយលើកប៉ុណ្ណោះ គឺនៅឆ្នាំ២០០៥ នៅប្រទេសថៃ។
ដោយកាលណោះ ថៃ ជាម្ចាស់ជើងឯកក្រោយឈ្នះសិង្ហបុរី ៣-០ នៅវគ្គផ្តាច់ព្រ័ត្រ ខណៈមីយ៉ាន់ម៉ាលេខ៣ ក្រោយយកឈ្នះម៉ាឡេស៊ី ដោយបាល់ប៉េណាល់ទី ៤-២(១-១)។ ប៉ុន្តែពានរង្វាន់នេះត្រូវបានលុបចោលជាបន្តបន្ទាប់រហូតមកដល់បច្ចុប្បន្ន។
សម្រាប់ការដំណើរឡើងវិញជាលើកទី២នៅកម្ពុជានេះមានក្រុមចូលរួមចំនួន១១ ដោយបែងចែកជាពីរពូល ក្នុងនោះម្ចាស់ផ្ទះកម្ពុជាស្ថិតនៅពូល B ជាមួយម៉ាឡេស៊ី មីយ៉ាន់ម៉ា ឥណ្ឌូណេស៊ី និងសិង្ហបុរី ខណៈពូល A មានថៃ វៀតណាម ហ្វីលីពីន ទីម័រខាងកើត ឡាវ និងព្រុយណេ។ ការប្រកួតនេះប្រព្រឹត្តទៅចន្លោះពីថ្ងៃទី១៧ ខែកុម្ភៈ ដល់ថ្ងៃទី២ ខែមីនា ឆ្នាំ២០១៩៕
Tag:
បាល់ទាត់
AFF U22 Championship
© រក្សាសិទ្ធិដោយ thmeythmey.com