ជាតិ
សង្គមជាតិ
៤ឆ្នាំ សមត្ថកិច្ចកម្ពុជា ចាប់ចិនជាង២ពាន់នាក់ ពីបទឆបោកតាមអ៊ីនធឺណិត រូបភាពពីអគ្គស្នងការនគរបាលជាតិ
× ភ្នំពេញ៖ ដោយគិតពីឆ្នាំ២០១៤ ដល់ឆ្នាំ២០១៨ នគរបាលកម្ពុជា បានបង្ក្រាបជនជាតិចិនជាង២ពាន់នាក់ ពាក់ព័ន្ធនឹងការឆបោកនិងជំរិតទារប្រាក់តាមប្រព័ន្ធអ៊ីនធឺណិត ហើយបានបញ្ជូនពួកគេ ទៅប្រទេសចិនវិញ។ នេះបើតាមការចុះផ្សាយរបស់អគ្គស្នងការនគរបាលជាតិ។
អគ្គស្នងការនគរបាលជាតិបានបញ្ជាក់ថា រយៈពេល៤ឆ្នាំកន្លងនេះ ជនជាតិចិន ដែលត្រូវបានបង្ក្រាបនោះ ភាគច្រើនជាបទល្មើសគំរាមជំរិតឆបោកតាមប្រព័ន្ធអ៊ីនធឺណិត ដែលសរុបមានចំនួន ១,៥៦៧នាក់ និងបទល្មើសសេដ្ឋកិច្ច សរុបចំនួន៨២នាក់ ដោយក្នុងនោះស្រីមានចំនួន ១០នាក់។
របាយការណ៍របស់អគ្គស្នងការនគរបាលជាតិ បញ្ជាក់ថា សម្រាប់ឆ្នាំ២០១៨ ជនជាតិចិនដែលបានប្រព្រឹត្តបទល្មើសគំរាមជំរិតឆបោកតាមប្រព័ន្ធអ៊ីនធឺណិត មានចំនួន ៣៧៣នាក់ ដោយក្នុងនោះស្រីចំនួន៦៦នាក់។
សូមរម្លឹកថា កាលពីថ្ងៃទី២៦ ខែវិច្ឆិកាកន្លងទៅ នគរបាលខេត្តតាកែវ បានបង្ក្រាបក្រុមសង្គមងងឹតជនជាតិចិនចំនួន២៣៥នាក់ នៅទីតាំងចំនួន៤ផ្សេងគ្នា ពីបទគំរាមជំរិតឆបោកតាមប្រព័ន្ធអ៊ីនធឺណិត៕
© រក្សាសិទ្ធិដោយ thmeythmey.com