ក្រសួងការងារនិងក្រសួងយុត្តិធម៌ បង្កើតក្រុមការងារដោះស្រាយសំណុំរឿងមេសហជីព

ជាតិ

ក្រសួងការងារនិងក្រសួងយុត្តិធម៌ បង្កើតក្រុមការងារដោះស្រាយសំណុំរឿងមេសហជីព

04, Dec 2018 , 2:59 pm

រូបភាព

លោក គឹម សន្តិភាព រដ្ឋលេខាធិការក្រសួងយុត្តិធម៌ និង ហេង សួរ រដ្ឋលេខាធិការ ក្រសួងការងារ (រូបបានពីទំព័រហ្វេកប៊ុក លោក គឹម សន្តិភាព)

ដោយ: អ៊ូ សុខមាន (OU Sokmean)

ភ្នំពេញ៖ ក្រសួងយុត្តិធម៌ និងក្រសួងការងារ និងបណ្តុះបណ្តាលវិជ្ជាជីវៈ បានបង្កើតក្រុមការងាររួមមួយ ហៅថា ក្រុមការងារពិនិត្យ និងសិក្សាសំណុំរឿងក្តីរបស់មេសហជីពនៅកម្ពុជា។ ការបង្កើតនេះ បានធ្វើឡើងទៅតាមសំណើរបស់សម្តេច ហ៊ុន សែន កាលពីថ្ងៃទី២៨ វិច្ឆិកា ដើម្បីពន្លឿននិងបញ្ចប់សំណុំរឿង ឲ្យបានចប់ តាមនីតិវិធីតុលាការ នៅត្រឹមបំណាច់ឆ្នាំ២០១៨។

អត្ថបទទាក់ទង

ក្រោយសំណើសម្តេច ហ៊ុន សែន តុលាការផ្តើមដោះស្រាយសំណុំរឿងមេសហជីព

នាយករដ្ឋមន្ត្រី ស្នើឲ្យបញ្ចប់គ្រប់សំណុំរឿងដែលពាក់ព័ន្ធនឹងមេសហជីព

យោងតាមសេចក្តីប្រកាសរួមរបស់ក្រសួងទាំងពីរខាងលើ ថ្ងៃទី៣ធ្នូ ក្រុមការងារនេះ មានលោក ហេង សួរ រដ្ឋលេខាធិការក្រសួងការងារ និងលោក គឹម សន្តិភាព រដ្ឋលេខាធិការក្រសួងយុត្តិធម៌ ជាប្រធាន រួមជាមួយអនុប្រធាន និងសមាជិក១៣រូបទៀត។

សូមបញ្ជាក់ថា មេសហជីព៦រូប ដែលមាន លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា, លោក អាត់ ធន់ ប្រធានសហភាពការងារកម្ពុជា, លោក ប៉ាវ ស៊ីណា ប្រធានសហភាពចលនាកម្មករកម្ពុជា, លោក រ៉ុន ឈុន ប្រធានសហភាពសហជីពកម្ពុជា, អ្នកស្រី យ៉ាង សោភ័ណ្ឌ ប្រធានសម្ព័ន្ធសហជីពកម្មករកម្ពុជា និង អ្នកស្រី ម៉ម ញឹម ប្រធានសហព័ន្ធសហជីពនៃឧស្សាហកម្មកាត់ដេរកម្ពុជា ត្រូវបានតុលាការកោះហៅ ហើយនឹងបើកសវនាការនៅថ្ងៃទី៧ធ្នូ ខាងមុខនេះ៕