កម្មវិធី ACE Open Day ស្វាគមន៍សិស្សានុសិស្ស និងអាណាព្យាបាលដើម្បីស្វែងយល់ពីកម្មវិធីសិក្សាភាសាអង់គ្លេសដោយសេរី

អត្ថបទពាណិជ្ជកម្ម

កម្មវិធី ACE Open Day ស្វាគមន៍សិស្សានុសិស្ស និងអាណាព្យាបាលដើម្បីស្វែងយល់ពីកម្មវិធីសិក្សាភាសាអង់គ្លេសដោយសេរី

04, Dec 2018 , 3:54 pm

រូបភាព

ដោយ:

ដោយមានការគាំទ្រពីសំណាក់សិស្សានុសិស្ស និងអាណាព្យាបាល កម្មវិធី ACE Open Day ត្រូវបានធ្វើទ្បើងជាបន្តបន្ទាប់ រៀងរាល់៣ខែម្ដង ដើម្បីឲ្យសិស្សនិស្សិត និងអាណាព្យាបាលទាំងអស់មានឱកាសបន្ថែមស្វែងយល់ឲ្យកាន់តែច្បាស់ ពីកម្មវិធីសិក្សាភាសាអង់គ្លេស និងអត្ថប្រយោជន៍ផ្សេងៗ មុនសម្រេចចិត្តចុះឈ្មោះចូលសិក្សា នៅមជ្ឈមណ្ឌលអូស្ត្រាលីសម្រាប់ការបណ្ដុះបណ្ដាល (សាលា អេស៊ីអ៊ី)។ កម្មវិធី ACE Open Day នឹងប្រព្រឹត្តទៅរយៈពេលបីថ្ងៃពេញ ចាប់ពីថ្ងៃសៅរ៍ ទី១៥ ដល់ថ្ងៃចន្ទទី១៧ ខែធ្នូ ឆ្នាំ ២០១៨ ចាប់ពីម៉ោង៩ ព្រឹក រហូតដល់ម៉ោង ៥ រសៀល នៅគ្រប់ទីតាំងទាំង៥ របស់សាលាអេស៊ីអ៊ី នៅរាជធានីភ្នំពេញ និងខេត្តសៀមរាប (ទីតាំងសម្ដេចប៉ាន ទីតាំងសន្ធរម៉ុក ទីតាំងទួលទំពូង ទីតាំងទួលគោក និងទីតាំងសៀមរាប)។

សិស្សនិស្សិត និងអាណាព្យាបាលដែលចូលរួម នឹងមានឱកាសស្វែងយល់ពីសាលា អេស៊ីអ៊ី កាន់តែច្បាស់ ដោយចូលរួមសកម្មភាពផ្សេងដូចជា៖ ទស្សនាបន្ទប់រៀន និងសម្ភារសិក្សានានា ធ្វើតេស្តវាស់កម្រិតភាសាអង់គ្លេសដោយឥតគិតថ្លៃ ចូលរៀនសាកល្បង ឬប្រឹក្សាយោបល់ ជាមួយគ្រូជំនាញពីរបៀបសិក្សាភាសាអង់គ្លេសឲ្យឆាប់ចេះ។ បន្ថែមពីនេះទៀត សិស្សានុសិស្ស ក៏មានឱកាសទទួលបានព័ត៌មានអំពីអាហារូបករណ៍ និងការសិក្សានៅបរទេស ព្រមទាំងចូលរួមកម្មវិធីសប្បាយៗ ដើម្បីបង្កើនចំណេះ និងអាចឈ្នះរង្វាន់ អនុស្សាវរីយ៍ផ្សេងៗទៀតផង។

គួរបញ្ជាក់ផងដែរថា មជ្ឈមណ្ឌលអូស្ត្រាលីសំរាប់ការបណ្ដុះបណ្ដាល ជាសាលាឈានមុខគេ ក្នុងការបណ្ដុះបណ្ដាលភាសាអង់គ្លេស ក្នុងតំបន់អាស៊ីអាគ្នេយ៍ ដែលបំពាក់ដោយសម្ភារសិក្សា និងកម្មវិធីសិក្សាទំនើបៗ។ សាលាអេស៊ីអ៊ី ផ្ដល់ជូនការបណ្ដុះបណ្ដាលភាសាអង់គ្លេសគ្រប់កម្រិត រួមមានភាសាអង់គ្លេសសម្រាប់កុមារ ចាប់ពីអាយុ ៨ឆ្នាំ ដល់១៥ឆ្នាំ (Children’s Program & Young Learners’ Program) ភាសាអង់គ្លេសទូទៅ (General English Program) ភាសាអង់គ្លេសសម្រាប់ការសិក្សានៅបរទេស សម្រាប់ និសិត្សមហាវិទ្យាល័យ និងអ្នកជំនួញ (Diploma Program) និងវគ្គត្រៀមប្រលងតេស្តអន្ដរជាតិ IELTS សម្រាប់ទៅសិក្សានៅបរទេស។