អត្ថបទពាណិជ្ជកម្ម
ព្រឹត្តិការណ៍Metfone Night Race 2018 រត់កម្សាន្តសប្បាយជាមួយភ្លើងពណ៌ពេលរាត្រី
× ភ្នំពេញ៖នៅថ្ងៃទី 22 ខែធ្នូខាងមុខនេះ ក្រុមហ៊ុនមិត្តហ្វូន នឹងរៀបចំមហាព្រឹត្តិការណ៍ប្រចាំឆ្នាំ2018 ដែលមិនធ្លាប់មានពីមុនមក នោះគឺ Metfone Night Race។ កញ្ចប់ KIT ច្រើនជាង 10,000 កញ្ចប់ ត្រូវបានរៀបចំសម្រាប់រត់ប្រណាំង ដែលមានរួមមានដូចជាដងពន្លឺ អាវយឺត វ៉ែនតាពន្លឺ បូរពន្លឺ កងពន្លឺពាក់ក អមជាមួយនឹងការប្រគំតន្ត្រី ដែលចូលរួមពីកំពូលតារាល្បីៗជាច្រើនដូចជា លោក ព្រាប សុវត្ថិ, ខេមរៈ សិរីមន្ត, ពេជ្រ សោភា, សុខ ស្រីនាង, DJ Maily និងតារាល្បីៗជាច្រើនរូបទៀត។
ព្រឹត្តិការណ៍នេះ គឺជាការរៀបចំបន្តឡើង ពីព្រឹត្តិការណ៍ប្រណាំងពណ៌ Color Race ដ៏ធំសម្បើមមួយ កាលពីឆ្នាំ 2015 ដែលមានអ្នកចូលរួមជិត 50,000 នាក់ ហើយអ្នកចូលរួមម្នាក់ៗ សឹងតែមិនអាចបំភ្លេចបាន ជាមួយនឹងអនុស្សាវរីយ៍ និងការចែករំលែកព័ត៌មាន ពីកម្មវិធីនេះ នៅលើបណ្តាញសង្គមយ៉ាងច្រើន។
ក្នុងឱកាសគម្រប់ខួប10ឆ្នាំ របស់ក្រុមហ៊ុនមិត្តហ្វូន ក្រុមហ៊ុនបាននាំមកនូវព្រឹត្តិការណ៍ដ៏គួរឱ្យរំភើបថ្មីមួយទៀត គឺកម្មវិធី Metfone Night Race 2018 ដែលនឹងត្រូវបានប្រារព្ធឡើង នៅថ្ងៃទី 22 ខែធ្នូ ឆ្នាំ2018 ខាងមុខនេះ នៅឯពហុកីឡដ្ឋានជាតិអូឡាំពិក។ Metfone Night Race គឺជាការរត់ប្រណាំងចម្ងាយធម្មតា 1.5 គីឡូម៉ែត្រ របស់មិត្តហ្វូន ដែលជាបទពិសោធថ្មីមួយ ពោរពេញទៅដោយភាពសប្បាយរីករាយ ដល់អ្នកចូលរួមទាំងអស់គ្នា ដែលចូលចិត្តស្វែងរកការកម្សាន្ត និងភាពរីករាយ នៃការរត់ប្រណាំងធម្មតា។ ជាមួយនឹងផ្លូវក្នុងកីឡដ្ឋានជាតិអូឡាំពិកដ៏ស្រស់ស្អាត អ្នកចូលរួមអាចដើរ ឬរត់ដោយសេរី នៅតាមដងផ្លូវដែលមានសញ្ញាតាំងបង្ហាញ បង្គោលឥន្ទធនូ ស្នោអ័ព្ទ ការបាញ់ក្រដាស និងការកម្សាន្តផ្សេងៗទៀត។ ទាំងនេះ គឺជាសកម្មភាពនៃភាពសប្បាយរីករាយ 100% ពិតៗ ក្នុងការកម្សាន្តជាមួយនឹងការថតរូប។
ការរត់ប្រណាំងនេះ គឺមិនត្រូវបានបញ្ចប់នោះទេ នៅពេលដែលអ្នកចូលរួមរត់ទៅដល់បន្ទាត់ទី។ លោកអ្នកនឹងមានការភ្ញាក់ផ្អើល និងរំភើបជាមួយនឹងការសំដែង ដោយតារាចម្រៀងដ៏ល្បីៗប្រចាំប្រទេសកម្ពុជា និងឌីជេ លំដាប់អន្តរជាតិ ដែលចាំស្វាគមន៍លោកអ្នកទាំងអស់គ្នា ហើយនឹងមានសកម្មភាព និងការសំដែងជាច្រើនផ្សេងៗទៀត ដើម្បីឲ្យលោកអ្នកដែលបានចូលរួម កាន់តែមានភាពសប្បាយរីករាយបន្ថែមទៀត នៅក្នុងពេលរាត្រីនៃការរត់ប្រណាំងនោះ។
ថ្មីនេះៗ Trailer នៃកម្មវិធី Metfone Night Race 2018 បានផ្សព្វផ្សាយនៅលើបណ្តាញសង្គម ហើយទទួលបានការចាប់អារម្មណ៍ ពីសំណាក់យុវវ័យ ព្រមទាំងចែករំលែកយ៉ាងច្រើនកុះករ ជាមួយនឹងការទន្ទឹងរង់ចាំឲ្យកម្មវិធីមកដល់ឆាប់ៗ។ អតិថិជនមិត្តហ្វូនទាំងអស់ អាចចូលរួមកម្មវិធីនេះដោយឥតគិតថ្លៃ ដោយគ្រាន់តែធើ្វតាមលក្ខខណ្ឌមួយចំនួនប៉ុណ្ណោះ។ សម្រាប់ព័ត៌មានបន្ថែម ទាក់ទងទៅនឹងកម្មវិធីនេះ សូមចូលទៅកាន់ http://nightrace.metfone.com.kh/Index.do ឬតាមដានទំព័រហ្វេសប៊ុករបស់ Metfone៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com