ជាតិ
EDC ផ្អាកចរន្តភ្លើងក្នុងតំបន់មួយចំនួននៅភ្នំពេញនិងខេត្តកណ្តាល ដល់ថ្ងៃ៩ធ្នូ
× ភ្នំពេញ៖ អគ្គិសនីកម្ពុជា (EDC) នឹងផ្អាកចរន្តភ្លើងបណ្តោះអាសន្ន៤ថ្ងៃ ក្នុងសង្កាត់មួយចំនួននៅភ្នំពេញ និងខេត្តកណ្តាល ដើម្បីជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញដល់ការការដ្ឋានពង្រើកផ្លូវ។ ការផ្អាកចរន្តភ្លើងនេះ ធ្វើឡើងចាប់ពីថ្ងៃទី៦ ដល់ថ្ងៃទី៩ ខែធ្នូ វេលាម៉ោង៩ព្រឹក ដល់ម៉ោង៥ល្ងាច។
តំបន់ភ្លើងដែល EDC ត្រូវផ្អាកនៅថ្ងៃទី៦ធ្នូ មានតំបន់ភ្លើងលេខ OP០១៣ ក្នុងសង្កាត់ទួលទំពូង១ តំបន់ភ្លើងលេខ ម.ត៤៥៨ ក្នុងសង្កាត់កាកាប១ តំបន់ភ្លើងលេខ ប.ត៦៧២ ក្នុងសង្កាត់ចោមចៅ៣ និងតំបនើភ្លើងមួយចំនួន ក្នុងសង្កាត់ស្ទឹងមានជ័យ៣ សង្កាត់ចោមចៅ១ សង្កាត់វាលស្បូវ និងសង្កាត់ព្រែកឯង។
ថ្ងៃទី៧ធ្នូ មានតំបន់ភ្លើង ប.ត០២៧ ក្នុងសង្កាត់ស្រះចក តំបន់ភ្លើងលេខP១២៩៥ ក្នុងសង្កាត់តាខ្មៅ តំបន់ភ្លើងលេខP១៦៤៣ ក្នុងសង្កាត់គោកឃ្លាង តំបន់ភ្លើងP៧៣៥ P១០៩២ ក្នុងសង្កាត់ចោមចៅ១ និងតំបន់ភ្លើងលេខ ប.ត៩៥, P១៦២, P១៥៤៧, P១៧៩៩, P១៨៤៩ នៅក្នុងស្រុកស្អាង។
បើតាមសេចក្តីជូនដំណឹងរបស់ EDC នៅថ្ងៃទី៨ធ្នូ តំបន់ភ្លើងដែលត្រូវមាន P១៦៤៣ ក្នុងសង្កាត់គោកឃ្លាង និងតំបន់ភ្លើងមួយចំនួនក្នុងសង្កាត់ស្ទឹងមានជ័យ២ សង្កាត់បឹងទំពន់១-២ និងសង្កាត់ចាក់អង្រែលើ។
ដោយឡែកតំបន់ភ្លើង OP០០៨ ក្នុងសង្កាត់បឹងព្រលឹត តំបន់ភ្លើងលេខPT៤០៤ ក្នុងសង្កាត់វាលវង់ តំបន់ភ្លើងក្នុងសង្កាត់ភ្នំពេញថ្មី សង្កាត់គោកឃ្លាង សង្កាត់ចោមចៅ៣ សង្កាត់ព្រៃស និងសង្កាត់ពងទឹក៕
Tag:
អគ្គិសនី
ភ្លើង
កណ្តាល
© រក្សាសិទ្ធិដោយ thmeythmey.com