អត្ថបទពាណិជ្ជកម្ម
ក្រុមហ៊ុន តូយ៉ូតា (ខេមបូឌា) ប្រកាសបើកកម្មវិធី«គូរគំនូររថយន្តតូយ៉ូតា ក្នុងក្ដីស្រមៃសម្រាប់ថ្ងៃអនាគត»លើកទី១៣
× កាលពីព្រឹកថ្ងៃចន្ទ ទី១០ ខែធ្នូ ឆ្នាំ២០១៨ កន្លងទៅនេះ ក្រុមហ៊ុន តូយ៉ូតា (ខេមបូឌា) ដែលជាក្រុមហ៊ុន ទទួលសិទ្ធនាំចូល និងចែកចាយផ្ដាច់មុខលើផលិតផលយានយន្ត និងគ្រឿងបន្លាស់ម៉ាក តូយ៉ូតា បានរៀបចំសន្និសីទសារព័ត៌មាន ស្ដីពីការទទួលជ័យលាភីគូរគំនូរថ្នាក់ពិភពលោកលើកទី១២ និងការប្រកាសបើកកម្មវិធីគូរគំនូរលើទី១៣ ក្រោមប្រធានបទ«គូរគំនូររថយន្តតូយ៉ូតាក្នុងក្ដីស្រមៃសម្រាប់ថ្ងៃអនាគត» ដែលមានការចូលរួមពីសំណាក់ប្អូនៗ អាយុក្រោម១៦ឆ្នាំ យ៉ាងច្រើនកុះករ នៅផ្សារទំនើបអ៊ីអនម៉ល សែនសុខ។
លោក ហ៊ីរ៉ូយូគិ អ៊ីតុ អគ្គនាយកក្រុមហ៊ុនតូយ៉ូតា (ខេមបូឌា) បានឲ្យដឹងថា នេះគឺជាឆ្នាំទី១៣ ហើយ ដែលក្រុមហ៊ុន តូយ៉ូតា បានរៀបចំការប្រកួតប្រជែងគូរគំនូរនេះ ទៅទូទាំងពិភពលោក ស្របពេលដែលការប្រកួតនេះ ត្រូវបានធ្វើឡើងជាលើកទី៩ នៅកម្ពុជា។ លោក ហ៊ីរ៉ូយូគិ អ៊ីតុ កត់សម្គាល់ឃើញថា ការប្រកួតគូរគំនូររថយន្តនេះ ទទួលបានការគាំទ្រ និងកាន់តែមានប្រជាប្រិយភាពខ្លាំង ពីមួយឆ្នាំទៅមួយឆ្នាំ ពីសំណាក់ប្អូនៗក្រោមអាយុ១៦ឆ្នាំ។
ការប្រកួតគូរគំនូរលើកទី១២កន្លងទៅនេះ ក្រុមហ៊ុនបានទទួលផ្ទាំងគំនូរចំនួន ១,១១៩ ផ្ទាំង ដែលរួមមានរាជធានីភ្នំពេញ បាត់ដំបង សៀមរាប កំពង់ស្ពឺ និងកំពង់ចាម។ អគ្គនាយកក្រុមហ៊ុនតូយ៉ូតា (ខេមបូឌា) ឲ្យដឹងទៀតថាអ្វីដែលកាន់តែធ្វើឲ្យក្រុមហ៊ុន តូយូតា(ខេមបូឌា) កាន់តែមានមោទកភាពខ្លាំងទៀតនោះ គឹក្នុងការប្រកួតគូរគំនូរថ្នាក់ពិភពលោកលើទី១២កាលពីឆ្នាំកន្លងទៅ ក៏មានកុមារពីប្រទេសកម្ពុជាម្នាក់ ទទួលបានជ័យលាភីថ្នាក់ពិភពលោកដែរ គឺកុមារី មេច សុភាវលក្ខណ៌ អាយុ៨ឆ្នាំ។ រូបគំនូរដែលកុមារីរូបនេះ បានគូរមានឈ្មោះថា «Family Car» ហើយត្រូវបានជ្រើសរើសឲ្យជាប់ជ័យលាភីថ្នាក់ពិភពលោក ក្នុងចំណោមរូបគំនូរដែលបានចូលរួមប្រកួតចំនួន ៦៥ម៉ឺនផ្ទាំង មកពីបណ្ដាលប្រទេសចំនួន៧៦ផ្សេងៗគ្នា។
ឆ្លៀតក្នុងឱកាសនោះ លោក អគ្គនាយក ក៏បានប្រកាសបើកជាផ្លូវការ«កម្មវិធីប្រកួតគូរគំនូររថយន្តក្នុងក្ដីស្រមៃសម្រាប់ថ្ងៃអនាគត»លើកទី១៣ផងដែរ។ បំណងសំខាន់ៗនៃការបង្កើតកម្មវិធីប្រកួតគូរគំនូររថយន្តក្នុងក្ដីស្រមៃសនេះឡើង គឺដើម្បីផ្ដល់ឱកាសឲ្យប្អូនៗជំនាន់ក្រោយ ដែលស្រលាញ់ និងមានភាពប៉ិនប្រសព្វក្នុងការគូរគំនូរ អាចបញ្ចេញនូវសមត្ថភាព និងគំនិតច្នៃប្រឌិត ទៅតាមក្ដីស្រមៃរបស់ពួកគេ។ ម្យ៉ាងវិញទៀត ក្រុមហ៊ុន តូយ៉ូតា ក៏ចង់ចូលរួមលើកម្ពស់ សារៈសំខាន់ នៃសិល្បៈគំនូររថយន្តនៅក្នុងប្រទេសកម្ពុជាផងដែរ។ លោក ហ៊ីរ៉ូយូគិ អ៊ីតុ អគ្គនាយកក្រុមហ៊ុន តូយ៉ូតា បញ្ជាក់ដូច្នេះ៖«ដូចដែលយើងបានដឹងរួមមកហើយថាជារៀងរាល់ឆ្នាំ ក្រុមហ៊ុន តូយ៉ូតា (ខេមបូឌា) តែងតែចូលរួមជានិច្ចក្នុងសកម្មភាពសង្គមនានា តួយ៉ាងការបន្តលើកទឹកចិត្ត និងព្យាយាមផ្សារភ្ជាប់កុមារ ទៅនឹងការប្រកួតប្រជែងគូរគំនូរនេះជាដើម»។
លក្ខខណ្ឌអាយុ ដែលអាចចូលរួមប្រកួតប្រជែងគូរគំនូររថយន្តនេះ ត្រូវបែងចែកទៅតាមអាយុវគឺអាយុ ពី៨ឆ្នាំ ដល់១១ឆ្នាំ និងពីអាយុ១២ឆ្នាំ ដល់១៥ឆ្នាំ ដែលការប្រកួតប្រជែងត្រូវបានបែងចែកជាពីរដែរ គឺការប្រកួតក្នុងប្រទេស និងការប្រកួតទូទាំងពិភពលោក។ ចំពោះជ័យលាភីថ្នាក់ជាតិ និងត្រូវជ្រើសរើសចំនួន៣នាក់ នៃប្រភេទក្រុមអាយុនីមួយៗ។ សម្រាប់រូបគំនូរដែលទទួលបានជ័យលាភីថ្នាក់ពិភពលោក មានដូចជា មេដាយមាស មេដាយប្រាក់ មេដាយសំរិទ្ធ រង្វាន់ចុងក្រោយ និងរង្វាន់ពិសេសផ្សេងៗទៀត។ អ្នកឈ្នះមេដាយ នឹងត្រូវទទួលបាននូវដំណើរទស្សនកិច្ចទៅកាន់ប្រទេសជប៉ុន ដើម្បីចូលរួមពិធីប្រគល់រង្វាន់នៅខែសីហា ឆ្នាំ ២០១៩ រយៈពេល៥ថ្ងៃ ៤យប់ ជាមួយអាណាព្យាបាលចំនួន១រូប (ម្ដាយ ឬឱពុក ឬអាណាព្យាបាលស្របច្បាប់)។ ក្រុមហ៊ុន តូយ៉ូតា (ខេមបូឌា) នឹងប្រកាសលទ្ធផលជ័យលាភីថ្នាក់ជាតិនៅអំឡុង ខែមីនា ឆ្នាំ២០១៩ និងជ័យលាភីថ្នាក់ពិភពលោក នៅខែសីហា ឆ្នាំ២០១៩។ ចំពោះប្អូនៗដែលមិនបានចូលរួមប្រកួតប្រជែងដោយផ្ទាល់នៅក្នុងថ្ងៃនេះ ក៏អាចផ្ញើររូបគំនូរដែលបានគូរនៅផ្ទះ មកចូលរួមប្រកួតប្រជែងបានដែរ ដែលថ្ងៃផុតកំណត់ទទួលរូបគំនូរ គឺនៅថ្ងៃ៣១ ខែមករា ឆ្នាំ២០១៩។
សម្រាប់ព័ត៌មានលម្អិតនៃការប្រកួត និងពាក្យស្នើសុំចូលរួមប្រកួតប្រជែង សូមទំនាក់ទំនង ក្រុមហ៊ុន តូយ៉ូតា (ខេមបូឌា) ដែលមានអាសយដ្ឋាន នៅក្នុងអគារពាណិជ្ជកម្មអ៊ែវូត មហាវិថីសហព័ន្ធរុស្សី សង្កាត់ទឹកថ្លា ខណ្ខសែនសុខ ឬអាចទំនាក់ទំនងតាមបណ្ដាញ សង្គម Facebook: Toyota Dream Car art Contest_Cambodia ឬទូរស័ព្ទទំនាក់ទំនងលេខ ០៨៦ ៥០០ ៥០៥/០១៧ ៥៥៥ ១៤១៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com