អត្ថបទពាណិជ្ជកម្ម
ក្រុមហ៊ុនសាមសុង ផ្តល់ការបណ្តុះបណ្តាលជំនាញជួសជុល និងដំឡើងម៉ាស៊ីនត្រជាក់ដល់សិក្ខាកាម ៣៥០នាក់ ដើម្បីពង្រឹងទំនុកចិត្តពីអតិថិជន
×![]()
ដោយ: ថ្មីៗ
ក្រុមហ៊ុនសាមសុង បានបើកវគ្គបណ្តុះបណ្តាលជំនាញជួសជុល និងដំឡើងម៉ាស៊ីនត្រជាក់ ដល់សិក្ខាកាមសរុបចំនួន ៣៥០នាក់ មកពីខេត្ត ក្រុងចំនួន៦ ផ្សេងៗគ្នា គឺខេត្តកំពង់ចាម ,បាត់ដំបង,បន្ទាយមានជ័យ,ព្រះសីហនុ,សៀមរាប និងរាជធានីភ្នំពេញ។ វគ្គបណ្តុះបណ្តាលជំនាញជួសជុល និងដំឡើងម៉ាស៊ីនត្រជាក់ មានរយៈពេល១៧ថ្ងៃ ចាប់ផ្តើមពីថ្ងៃទី១១ ខែធ្នូ ដល់ថ្ងៃទី២៨ ខែធ្នូ ឆ្នាំ២០១៨។
កម្មវិធីបណ្តុះបណ្តាលជំនាញជួសជុល និងដំឡើងម៉ាស៊ីនត្រជាក់ ដែលមានរយៈពេលដល់ទៅ ១៧ថ្ងៃនេះ គឺមានរួមបញ្ចូលការរៀនទ្រឹស្តី និងការអនុវត្តជាក់ស្តែង ជាមួយនឹងសម្ភារគ្រឿងអេឡិចត្រូនិក របស់សាមសុង និងការបង្ហាត់បង្ហាញដោយគ្រូជំនាញ របស់ក្រុមហ៊ុនសាមសុងផ្ទាល់។ វគ្គបណ្តុះ បណ្តាលជំនាញនេះ មានគោលដៅធំៗសំខាន់ចំនួន ៣ គឺ៖
១. ការបណ្តុះបណ្តាលអំពីជំនាញ ទៅលើការដំឡើងម៉ាស៊ីនត្រជាក់ និងប្រព័ន្ធម៉ាស៊ីនត្រជាក់ ជាមួយនឹងទំនុកចិត្តខ្ពស់បំផុតសម្រាប់អតិថិជន។
២. ការកសាងនូវទំនុកចិត្ត និងភាពជឿជាក់ ក្នុងការប្រើប្រាស់គ្រឿងអេឡិចត្រូនិក របស់ក្រុមហ៊ុនសាមសុង ដែលផ្តល់នូវភាពងាយស្រួល ក្នុងការដំឡើង និងជួសជុល។
៣. ការពង្រឹងបន្ថែម ទៅលើចំណេះដឹងថ្មីៗ កាន់តែទូលំទូលាយ និងជំនាញកម្រិតខ្ពស់ សម្រាប់ការដំឡើង ទៅលើម៉ាស៊ីនត្រជាក់សាមសុង។
ផ្អែកលើគោលដៅខាងលើ សិក្ខាកាម ដែលបញ្ចប់ការសិក្សាក្នុងវគ្គបណ្តុះបណ្តាល លើជំនាញគ្រឿងអេឡិចត្រូនិកនេះ នឹងទទួលបាននូវចំណេះដឹងយ៉ាងច្រើន ដែលជួយពួកគេ កាន់តែមានភាពងាយស្រួល នៅក្នុងការផ្តល់នូវសេវាកម្ម គុណភាពរហ័សល្អ និងភាពជឿជាក់ខ្ពស់បំផុត សម្រាប់អតិថិជនរបស់សាមសុង។
សូមបញ្ជាក់ថា ក្រុមហ៊ុនសាមសុង គឺជាក្រុមហ៊ុនដែលឈានមុខគេនៅលើពិភពលោក ផ្នែកបច្ចេកវិទ្យាដោយផ្តល់នូវរបកគំហើញថ្មីៗ សម្រាប់ជួយឲ្យការរស់នៅរបស់មនុស្ស កាន់តែស៊ីវិល័យ និងប្រកបដោយភាពងាយស្រួលបំផុត។ តាមរយៈរបកគំហើញថ្មីៗ និងឥតឈប់ឈររបស់ក្រុមហ៊ុនសាម សុង យើងឃើញមានការវិវត្តន៍កាន់តែប្រសើរឡើង ទៅលើផលិតផលគ្រឿងអេឡិចត្រូនិកទំនើបៗជាច្រើន ដូចជាទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ប្រើប្រាស់នៅផ្ទះបាយ ម៉ាស៊ីនថតចម្លង ប្រព័ន្ធ LTE និងដំណោះស្រាយជាច្រើនទៀត នៅក្នុងវិស័យឧស្សាហកម្មព័ត៌មានបច្ចេកវិទ្យា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
