ភ្លុកដំរីជាង១០០០ ដែលនាំចូលពីប្រទេសមូហ្សំប៊ិក ត្រូវបានអ្នកជំនាញកម្ពុជា និងអាមេរិករឹបអូសបាន

ជាតិ

សង្គមជាតិ

ភ្លុកដំរីជាង១០០០ ដែលនាំចូលពីប្រទេសមូហ្សំប៊ិក ត្រូវបានអ្នកជំនាញកម្ពុជា និងអាមេរិករឹបអូសបាន

17, Dec 2018 , 10:39 pm

រូបភាព

រូបភាពពីស្ថានទូតអាមេរិកប្រចាំកម្ពុជា

ដោយ:

ភ្នំពេញ៖ ភ្លុកដំរីជាង១០០០ ត្រូវបានកម្ពុជា សហការជាមួយអ្នកស៊ើបអង្កេតរបស់ជលផល និងសត្វព្រៃសហរដ្ឋអាមេរិក និងផ្នែកព័ត៌មានសម្ងាត់របស់ក្រសួងសន្តិសុខមាតុភូមិសហរដ្ឋអាមេរិក បង្ក្រាបបានករណីខុសច្បាប់នេះ កាលពីថ្ងៃទី១៥ ធ្នូ ។ នេះបើតាមការផ្សាយព័ត៌មានរបស់ស្ថានទូតអាមេរិក ។

ស្ថានទូតអាមេរិក បានបន្ថែមថា ភ្លុកដំរីទាំងនេះ មានទម្ងន់ជិត៣៥០០គីឡូក្រាម គឺបង្ក្រាបក្រោយពីបានឆែកឆេរ និងរឹបអូសពីកុងតឺន័រដែលផ្ទុកទៅដោយភ្លុកដំរីនេះ។

សារព័ត៌មានថ្មីៗ មិនទាន់អាចទាក់ទងអគ្គនាយកដ្ឋានគយ និងរដ្ឋាករកម្ពុជា ដើម្បីសុំការអត្ថាធិប្បាយ ជុំវិញករណីរឹបអូសភ្លុកដំរីនេះនៅឡើយទេ។

រូបភាពពីស្ថានទូតអាមេរិកប្រចាំកម្ពុជា

ប៉ុន្តែបើតាមការចុះផ្សាយរបស់កាសែតភ្នំពេញប៉ុស្តិ ដែលបានស្រង់សម្ដីរបស់លោក ស៊ុន ឆាយ ប្រធានសាខាគយកំពង់ផែស្វយ័តភ្នំពេញបាននិយាយថា ភ្លុកដំរីនោះមាន ១,០២៦ ដុំ ត្រូវបានឈ្មួញនាំពីកំពង់ផែឈ្មោះ «ម៉ាឡាកា» នៅប្រទេសមូហ្សំប៊ិក តាំងពីខែកក្កដា ឆ្នាំ២០១៨នេះ ហើយបច្ចុប្បន្នភ្លុកដំរីទាំងនោះត្រូវបានរក្សាទុកនៅកំពង់ផែស្វយ័តភ្នំពេញ ដើម្បីចាត់ការបន្ត៕

Tag:

ភ្លក់ដំរី

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម