ដំណើរកម្សាន្ត Ford Adventure 2018 បញ្ចប់ដោយជោគជ័យ ជាមួយនឹងអ្នកចូលរួមជាង៥០០នាក់

រថយន្ត

អត្ថបទពាណិជ្ជកម្ម

17, Dec 2018 , 5:26 pm

រូបភាព

ដោយ:

ជារៀងរាល់ឆ្នាំ ក្រុមហ៊ុន អ អិម អេ ខេមបូឌា (RMA Cambodia) តែងតែរៀបចំដំណើរកម្សាន្តសម្រាប់អតិថិជនរបស់ខ្លួន ទៅកាន់រមណីយដ្ឋានផ្សេងៗនៅក្នុងប្រទេស ក៏ដូចជាទៅកាន់ប្រទេសជិតខាង ជាមួយនឹងក្បួនរថយន្ត ហ្វដ (Ford) គ្រប់ម៉ូឌែល។ សម្រាប់ឆ្នាំ២០១៨នេះ ក្រុមហ៊ុន ហ្វដ (Ford) បានរៀបចំដំណើរកម្សាន្តសម្រាប់អតិថិជន ទៅកាន់ខេត្តកោះកុង ប្រទេសកម្ពុជា ខេត្តត្រាត និងខេត្តច័ន្ទបុរី ប្រទេសថៃ។ ក្នុងដំណើរកម្សាន្តដ៏អស្ចារ្យរយៈពេល ៤ថ្ងៃ ៣យប់នេះ គឺចាប់ពីថ្ងៃទី ៦ ដល់ថ្ងៃទី ខែ ធ្នូកន្លងទៅ អ្នកចូលរួមទាំងអស់ មានឱកាសរីករាយជាមួយទេសភាព ព្រៃភ្នំនៅតាមដងផ្លូវ និងទឹកធ្លាក់ដ៏ស្រស់ស្អាត ក្នុងទឹកដីខេត្តកោះកុង រួមជាមួយនឹងបទពិសោធន៍ បោះជំរំដ៏រ៉ូមែនទិក នៅលើឆ្នេរសមុទ្រ យ៉ាងស្រស់ត្រកាល នៅខេត្តត្រាត និងដើរទិញទំនិញ ដ៏សម្បូរបែបក្នុងតម្លៃសមរម្យ នៅផ្សារទំនើបនៃទឹកដីខេត្តចន្ទបុរី ប្រទេសថៃទៀតផង។

ដំណើរកម្សាន្តនេះ បានធ្វើឡើងជារៀងរាល់ឆ្នាំ ដោយកាលពីឆ្នាំ២០០៧ ទៅខេត្តមណ្ឌលគិរី , ឆ្នាំ២០០៨ ទៅកាន់ខេត្តរតនគិរី , ឆ្នាំ២០០៩ ទៅកាន់ខេត្តប៉ៃលិន, ឆ្នាំ២០១០ និងឆ្នាំ២០១១ ទៅកាន់ទឹកដីខេត្តចម្ប៉ាសាក់ ប្រទេសឡាវ, ឆ្នាំ២០១២ ទៅកាន់ខេត្តមណ្ឌលគិរីម្តងទៀត, ឆ្នាំ២០១៣ ក៏បានទៅទឹកដីប្រទេសឡាវម្តងទៀត , ឆ្នាំ២០១៤ ទៅកាន់ខេត្តត្រាត ប្រទេសថៃ , ឆ្នាំ២០១៥ ទៅកាន់ខេត្តច័ន្ទបុរី ប្រទេសថៃ ,នៅឆ្នាំ២០១៦ ទៅកាន់ខេត្តបុរីរាម និងឆ្នាំ២០១៧ ទៅកាន់ទីក្រុងប៉ាតាយ៉ា ប្រទេសថៃ ដោយមានចំនួនអ្នកចូលរួមកើនឡើងជាបន្តបន្ទាប់ ។

លោក ឡោ វុទ្ធី ប្រធានគ្រប់គ្រងផ្នែកលក់រថយន្ត Ford នៃក្រុមហ៊ុន RMA Cambodia បានមានប្រសាសន៍ថា៖«នេះគឺជាឆ្នាំទី១២ នៃកម្មវិធី Ford Adventure។ ខ្ញុំពិតជាមានភាពសប្បាយរីករាយមែនទែន ដោយសារឆ្នាំនេះ ចំនួនរថយន្តដែលបានចូលរួម កើនឡើងរហូតដល់ជាង១០០ឡាន ដែលឆ្នាំមុនៗយើងអនុញ្ញាតឲ្យរថយន្តចូលរួមត្រឹមតែ ៥០ ទៅ ៦០ឡានតែប៉ុណ្ណោះ។ នេះជាលើកទី២ ហើយដែលក្បួនរថយន្ត បានធ្វើដំណើរទៅកាន់ខេត្តកោះកុង ដោយលើកទី១ គឺនៅឆ្នាំ២០១៤ ដែលកាលនោះ ចំនួនរថយន្តដែលចូលរួម មានត្រឹមតែជាង ៥០ គ្រឿង និងអ្នកចូលរួមប្រមាណជាង៣០០នាក់ប៉ុណ្ណោះ»។

លើសពីនេះទៅទៀត លោកក៏បានបន្ថែមទៀតថា៖«ដំណើរកម្សាន្ត FORD Adventure មិនត្រឹមតែជាការកម្សាន្តសប្បាយប៉ុណ្ណោះទេ អ្វីដែលសំខាន់ជាងនេះទៀត គឺការចូលរូមចំណែកជួយសង្គម តាមរយៈការចែកអំណោយសប្បុរសធម៌ ជូនដល់ប្រជាជនដែលមានភាពខ្វះខាតនៅក្នុងតំបន់ ក៏ដូចជាបង្កើនទំនាក់ទំនងគ្នាល្អ ការជួយគ្នាទៅវិញទៅមករបស់អតិជន FORD និងបុគ្គលិករបស់ក្រុមហ៊ុន RMA Cambodiaផងដែរ»៕