កិច្ចប្រជុំរបស់បក្សកាន់អំណាច ព្យាយាមស្វែងរកចំណុចដែលត្រូវកែលម្អ

ជាតិ

នយោបាយជាតិ

កិច្ចប្រជុំរបស់បក្សកាន់អំណាច ព្យាយាមស្វែងរកចំណុចដែលត្រូវកែលម្អ

18, Dec 2018 , 10:52 am

រូបភាព

ដោយ: ថ្មីៗ

សន្និបាតលើកទី៤១នៃគណៈកម្មាធិការកណ្តាលគណបក្សប្រជាជនកម្ពុជា បានចាប់ផ្តើមនៅព្រឹកថ្ងៃទី១៨ នេះ រហូតដល់ថ្ងៃទី២០ ខែធ្នូ ឆ្នាំ២០១៨។ សន្និបាត ដែលប្រព្រឹត្តទៅក្រោមអធិបតីរបស់សម្តេច ហ៊ុន សែន ប្រធានគណបក្ស គឺដើម្បីបូកសរុបលទ្ធផលការងារនយោបាយកន្លងមក និងកំណត់ទិសដៅនយោបាយ សម្រាប់ការអនុវត្តទៅខាងមុខ។

ទំព័រហ្វេសប៊ុករបស់សម្តេច ហ៊ុន សែន បានសរសេរថា ក្រៅពីការបូកសរុបការងារនិងការកំណត់គោលនយោបាយ សន្និបាតនេះ នឹងពិនិត្យពីការងាររបស់គណបក្ស ដែលទទួលបានជោគជ័យ និងការបន្តធ្វើការងារ ដែលនៅសេសសល់។ លើសពីនេះ សន្និបាត ក៏នឹងលើកឡើងពីបញ្ហាប្រឈម និងស្វែងរកចំណុចខ្វះខាត ដែលត្រូវកែលម្អផងដែរ ដើម្បីធ្វើយ៉ាងណាដឹកនាំកម្ពុជា ឲ្យសម្រេចបាននូវកំណើតសេដ្ឋកិច្ច ដែលអាចទទួលបានប្រាក់ចំណូលមធ្យមកម្រិតខ្ពស់ នៅឆ្នាំ២០៣០ រហូតឈានដល់ទទួលបានប្រាក់ចំណូលខ្ពស់ នៅឆ្នាំ២០៥០។

អត្ថបទទាក់ទង

បក្សប្រជាជន ប្រជុំបីថ្ងៃ ពីវិធីធ្វើឲ្យកម្ពុជា មានចំណូលមធ្យមកម្រិតខ្ពស់ នៅឆ្នាំ២០៣០

កិច្ចប្រជុំនៃសន្និបាតខាងលើ មានការចូលរួមពីថ្នាក់ដឹកនាំសមាជិកនៃគណៈកម្មាធិការកណ្តាល និងថ្នាក់ដឹកនាំដែលមិនមែនជាសមាជិកជាង១ពាន់នាក់។ សន្និបាតនៃគណៈកម្មាធិការកណ្តាលគណបក្សប្រជាជនកម្ពុជា តែងធ្វើឡើងជាទៀងទាត់ចំនួនពីរដងក្នុងមួយឆ្នាំ៕