កីឡាអន្តរជាតិ
អន្តរជាតិ
Manchester United បណ្តេញលោក Jose Mourinho ផ្លូវការហើយ
× ក្លិប Manchester Utd បានប្រកាសពីការចែកផ្លូវនឹងលោក Jose Mourinho ផ្លូវការហើយនាថ្ងៃទី១៨ ខែធ្នូ នេះ ក្រោយឡើងដឹកនាំរយៈពេលពីរឆ្នាំកន្លះ។ នេះបើតាមសេចក្តីប្រកាសព័ត៌មានរបស់ក្លិប។
អ្នកចាត់ការសញ្ជាតិព័រទុយហ្គាល់ វ័យ៥៥ឆ្នាំរូបនេះ បានជួយក្រុមរហស្សនាមបិសាចក្រហមលើកពាន FA Cup និង Europa League ចាប់តាំងពីលោកឡើងដឹកនាំកាលពីឆ្នាំ២០១៦។
ប៉ុន្តែយ៉ាងណា ក្លិបមានមូលដ្ឋានក្នុងក្រុង Manchester បានសម្រេចបញ្ចប់តំណែងលោក បន្ទាប់ពីដឹកនាំក្រុមមិនបានល្អរដូវកាលនេះ ដោយឈរនៅចំណាត់ថ្នាក់ទី៦ និងតាមពីក្រោយពិន្ទុក្រុមកំពូលតារាង Liverpool ដែលបានយកឈ្នះខ្លួន ៣-១ កាលពីចុងសប្តាហ៍កន្លងទៅ រហូត១៩ពិន្ទុនោះ។
ក្លិបម្ចាស់ជើងឯកលីគកំពូលអង់គ្លេស២០សម័យនេះ ក៏បានអរគុណដល់ Mourinho ចំពោះការងាររបស់លោកក្នុងរយៈពេលជាង២ឆ្នាំនេះ និងជូនពរលោកឲ្យជោគជ័យនាពេលអានាគតផងដែរ៕
Tag:
បាល់ទាត់
Jose Mourinho
© រក្សាសិទ្ធិដោយ thmeythmey.com