កីឡាអន្តរជាតិ
អន្តរជាតិ
Mourinho នឹងបានប្រាក់សំណង ៣០លានដុល្លារពី Man Utd ក្រោយបណ្តេញចេញ
× លោក Jose Mourinho នឹងទទួលបានប្រាក់សំណងចំនួន ៣០លានដុល្លារអាមេរិក បន្ទាប់ពីក្លិប Manchester United បញ្ចប់តំណែងលោកមុនកិច្ចសន្យា។ ប្រាក់ដ៏ច្រើនសន្ធឹកនេះនឹងត្រូវផ្តល់ឲ្យអ្នកចាត់ការរហស្សនាម Special One ក្នុងរយៈពេល៤៥ថ្ងៃ គិតចាប់ពីថ្ងៃលោកដើរចេញពីទឹកដី Old Trafford។
មុនការបញ្ចប់តំណែងនេះ នៅដើមរដូវកាលកន្លងទៅក្លិបមានមូលដ្ឋានក្នុងក្រុង Manchester ខាងលើបានសម្រេចបន្តកិច្ចសន្យាដល់លោក Mourinho បន្ថែមទៀតរហូតដល់ឆ្នាំ២០២០ ដោយទទួលបានប្រាក់ឈ្នួលច្រើនលំដាប់ទីពីរបន្ទាប់ពី Pep Gardiola គ្រូរបស់ Manchester City។
ការបន្តកិច្ចសន្យាដល់ទៅ២ឆ្នាំនេះ នឹងធ្វើឲ្យ Man Utd អស់ប្រាក់ថ្លៃសំណងទៅឲ្យអតីតអ្នកចាត់ការ Chelsea និង Real Madrid រហូតដល់ទៅ៣០លានដុល្លារ។
បើតាមការផ្សាយរបស់ SunSport បើទោះត្រូវបង់ប្រាក់ច្រើនយ៉ាងនេះក្តីក៏ប្រធានក្លិប Man Utd មិនអាចបន្តឲ្យអ្នកចាត់ការសញ្ជាតិព័រទុហ្គាល់ វ័យ៥៥ឆ្នាំរូបនេះនៅដឹកនាំក្រុមបានទៀតដែរ៕
Tag:
បាល់ទាត់
Jose Mourinho
© រក្សាសិទ្ធិដោយ thmeythmey.com