Solskjaer ទំនងជាអ្នកជំនួស Mourinho ដ្បិតក្លិប Man Utd ច្រឡំប្រកាសលើវេបសាយរបស់ខ្លួន

កីឡាអន្តរជាតិ

អន្តរជាតិ

Solskjaer ទំនងជាអ្នកជំនួស Mourinho ដ្បិតក្លិប Man Utd ច្រឡំប្រកាសលើវេបសាយរបស់ខ្លួន

19, Dec 2018 , 11:16 am

រូបភាព

ដោយ: ទេព ពិទូរ្យ

លោក Ole Gunnar Solskjaer ទំនងជានឹងឡើងទៅជំនួសតំណែងលោក Jose Mourinho ដែលជាអ្នកចាត់ការបណ្តោះអាសន្នរបស់ក្រុម Manchester United បន្ទាប់ពីក្លិបច្រឡំបង្ហោះបេក្ខភាពរូបនេះនៅលើគេហទំព័រផ្លូវការរបស់ពួកគេ។

អត្ថបទទាក់ទង

Mourinho នឹងបានប្រាក់សំណង ៣០លានដុល្លារពី Man Utd ក្រោយបណ្តេញចេញ

Manchester United បណ្តេញលោក Jose Mourinho ផ្លូវការហើយ

មិនមានសេចក្តីប្រកាសជាផ្លូវការណាមួយជុំវិញការតែងតាំងអតីតសមាជិកខ្សែប្រយុទ្ធឆ្នើមក្រុមបិសាចក្រហម Solskjaer ដើម្បីជំនួសលោក Mourinho ដែលត្រូវបានបណ្តេញចេញពី Old Trafford នៅថ្ងៃទី១៨ ខែធ្នូនោះឡើយ។

ប៉ុន្តែគេហទំព័រផ្លូវការរបស់ក្លិប Man Utd ខាងលើបានចេញផ្សាយថាបុរសសញ្ជាតិន័រវែសរូបនេះគឺជា«អ្នកចាត់ការបណ្តោះអាសន្នរបស់ក្រុមរបស់ពួកគេ ប៉ុន្តែនៅក្រោយប៉ុន្មាននាទីបន្ទាប់ ក៏ត្រូវលុបចេញវិញ។

បុរសវ័យ៤៥ឆ្នាំរូបនេះ បច្ចុប្បន្នជាអ្នកចាត់ការក្លិប Molde Fotballklubb នៃលីគកំពូលន័រវែស ប៉ុន្តែពួកគេបានបញ្ចប់រដូវកាលសម្រាប់រដូវរងា ឆ្នាំ២០១៨នេះ ហើយនឹងចាប់ផ្តើមវិញនៅខែមីនាឆ្នាំ២០១៩។

Solskjaer ធ្លាប់ស៊ុតបញ្ចូលទី ១២៦ គ្រាប់សម្រាប់ Man United ក្នុងរយៈពេលរួមរស់ ១១ រដូវកាល នៅក្រោមការដឹកនាំរបស់លោក Sir Alex Ferguson។

តាមរយៈវីដេអូមួយនៅលើវេបសាយផ្លូវការ Man United បង្ហាញពីលោក Solskjaer ដែលជាអ្នករកគ្រាប់បាល់ជ័យជម្នះក្នុងការប្រកួតវគ្គផ្តាច់ព្រ័ត្រទល់នឹង Bayern Munich ក្នុងឆ្នាំ ១៩៩៩ ហើយត្រូវបានគេ Screen Shot មុនពេលលុបថា៖«Solskjaer ក្លាយជាគ្រូបង្វឹកបណ្តោះអាសន្នរបស់យើង ២០រដូវកាលបន្ទាប់ពីឈ្នះពានរង្វាន់៣ក្នុងមួយរដូវកាលជាមួយគ្រាប់បាល់នៅទឹកដី Camp Nou នោះ»៕