ពីនេះ ពីនោះ
ព័ត៍មានសុខភាព
គួរតែអាន! ទទួលទានច្រើនពេកមិនល្អឡើយ “ទឹកក្រូចឆ្មារ” អាចផ្ដល់ផលប៉ះពាល់ទាំងនេះ
×![]()
ដោយ: ថ្មីៗ
ភាគច្រើននៃពួកយើងប្រហែលជាធ្លាប់បានឮអំពី “ទឹកក្រូចឆ្មារ” ជាភេសជ្ជៈដ៏ពេញនិយមបំផុតមួយជួយក្នុងការបន្សាបជាតិពុល ឬសម្រកទម្ងន់។ ជាទូទៅរូបមន្តបែបធម្មជាតិនេះតម្រូវឲ្យអ្នកទទួលទានរៀងរាល់ព្រឹកមុនពេលទទួលទានអាហារ ឬភេសជ្ជៈអ្វីផ្សេងៗ សូម្បីតែទឹកធម្មតា។ ប៉ុន្តែអ្នកត្រូវដឹងថាអ្វីដែលលើសពេក គឺមិនល្អឡើយ! ដូច្នេះហើយ បើទោះបីជាទឹកក្រូចឆ្មារអាចផ្ដល់អត្ថប្រយោជន៍ជាច្រើនចំពោះសុខភាពក៏ដោយ ប្រសិនបើអ្នកទទួលទានវាច្រើនពេក នោះអ្នកនឹងជួបប្រទះបញ្ហាមួយចំនួនជាក់ជាមិនខាន។ 
ខាងក្រោមនេះយើង នឹងបង្ហាញឲ្យដឹងពីផលប៉ះពាល់ធំៗចំនួន ៣ នៃការទទួលទានទឹកក្រូចឆ្មារច្រើន ៖
ខាងក្រោមនេះយើង នឹងបង្ហាញឲ្យដឹងពីផលប៉ះពាល់ធំៗចំនួន ៣ នៃការទទួលទានទឹកក្រូចឆ្មារច្រើន ៖
១. ក្រហាយទ្រូង
ទឹកក្រូចឆ្មារ អាចបណ្ដាលឲ្យកើតបញ្ហាក្រហាយទ្រូង ឬធ្វើឲ្យស្ថានភាពនៃអាការៈនេះកាន់តែអាក្រក់ឡើងគួរឲ្យព្រួយបារម្ភសម្រាប់អ្នកដែលកំពុងជួយប្រទះបញ្ហានេះស្រាប់។ ខណៈដែលទឹកក្រូចឆ្មារជួយផ្ដល់កម្លាំងដល់រាងកាយក៏ពិតមែន ប៉ុន្តែភេសជ្ជៈនេះនៅតែមានផ្ទុកជាតិអាស៊ីត ដូច្នេះហើយទើបវាអាចបណ្ដាលឲ្យកើតមានបញ្ហាច្រាលទឹកអាស៊ីតក្រពះក្រហាយទ្រូង។
២. សឹកធ្មេញ
ការទទួលទានអាហារ និងភេសជ្ជៈមានជាតិអាស៊ីតច្រើនពេក អាចបង្កឲ្យមានផលប៉ះពាល់គួរឲ្យព្រួយបារម្ភចំពោះសុខភាពធ្មេញ។ ការទទួលទានទឹកក្រូចឆ្មារយូរទៅនឹងធ្វើឲ្យសឹកធ្មេញជាមិនខាន ហើយអ្នកក៏ជួបប្រទះបញ្ហាស្រៀវធ្មេញពេលទួលទានអាហារក្ដៅ ឬត្រជាក់ផងដែរ។ កាត់បន្ថយផលប៉ះពាល់ ដោយព្យាយាមប្រើប្រាស់ទុយោរបឺត ប្រសិនបើចង់ទទួលទានភេសជ្ជៈនេះ។ ហើយប្រញាប់ទៅជួបពេទ្យធ្មេញដើម្បីពិនិត្យមើល ប្រសិនបើអ្នកកំពុងមានបញ្ហាមាត់ធ្មេញស្រាប់។
៣. នោមញឹក និងខ្សោះជាតិទឹកក្នុងរាងកាយ
ក្រូចឆ្មារ មានផ្ទុកសម្បូរទៅដោយវីតាមីន C ដែលជាថ្នាំបញ្ចុះទឹកនោមធម្មជាតិ នោះមានន័យថាវាបង្កើនការផលិតទឹកនោមដែលធ្វើឲ្យអ្នកនោមញឹកជាងធម្មតា។ ទោះជាវាមានប្រយោជន៍ ប៉ុន្តែអ្នកគួរតែកាត់បន្ថយការទទួលទានទឹកក្រូចឆ្មារភ្លាម នៅពេលអ្នកមានអារម្មណ៍ថាខ្សោះជាតិទឹកក្រោយទទួលទានវា។ ហើយអ្នកក៏គួរជួបពិគ្រោះជាមួយគ្រូពេទ្យជំនាញ ប្រសិនបើកើតមានបញ្ហាខុសប្រក្រតីណាមួយកើតឡើង ក្រោយទទួលទានទឹកក្រូចឆ្មារ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
