កីឡាអន្តរជាតិ
អន្តរជាតិ
Man Utd ប្រកាសតែងតាំង Solskjaer ជាអ្នកចាត់ការបណ្តោះអាសន្នរហូតចប់រដូវកាល
× លោក Ole Gunnar Solskjaer ត្រូវបានតែងតាំងជាអ្នកចាត់ការទូទៅ Manchester United បណ្តោះអាសន្នដើម្បីជំនួសលោក Jose Mourinho រហូតដល់ចប់រដូវកាលតែម្តង។ នេះបើតាមការផ្សាយរបស់គេហទំព័រផ្លូវការរបស់ក្លិប Man United។
Solskjaer ធ្លាប់ស៊ុតបញ្ចូលទី ១២៦ គ្រាប់សម្រាប់ Man United សម្រាប់ការបង្ហាញខ្លួន៣៦៦ប្រកួត ក្នុងរយៈពេលរួមរស់ ១១ រដូវកាលនៅទឹកដី Old Trafford នៅក្រោមការដឹកនាំរបស់លោក Sir Alex Ferguson។
អ្នកចាត់ការសញ្ជាតិន័រវែស វ័យ៤៥ឆ្នាំរូបនេះ នឹងត្រូវធ្វើការជាមួយគ្រូជំនួយលោក Mike Phelan រួមជាមួយ Michael Carrick និង Kieran McKenna។
Solskjaer បច្ចុប្បន្នក៏ជាអ្នកចាត់ការក្លិប Molde Fotballklubb នៃលីគកំពូលន័រវែសផងដែ ប៉ុន្តែពួកគេបានបញ្ចប់រដូវកាលសម្រាប់រដូវរងា ឆ្នាំ២០១៨នេះ ហើយនឹងចាប់ផ្តើមវិញនៅខែមីនាឆ្នាំ២០១៩។ លោកនឹងត្រូវចូលខ្លួនមកដឹកនាំ Man Utd ពេលជួបក្រុម Cardiff City ក្នុងការប្រកួត Premier League នៅថ្ងៃទី២៣ ខែធ្នូខាងមុខ។
© រក្សាសិទ្ធិដោយ thmeythmey.com