ពលករខ្មែរខុសច្បាប់ ៥១នាក់ ត្រូវបានអាជ្ញាធរថៃបញ្ចូនមកកម្ពុជាវិញ

ជាតិ

ពលករខ្មែរខុសច្បាប់ ៥១នាក់ ត្រូវបានអាជ្ញាធរថៃបញ្ចូនមកកម្ពុជាវិញ

20, Dec 2018 , 8:19 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ពលករខែ្មរខុសច្បាប់៥១នាក់ ត្រូវបានអាជ្ញាធរថៃ បញ្ចូនមកកម្ពុជា តាមច្រកប៉ោយប៉ែត ។ ពលករទាំងនោះមានស្រី១៦នាក់ និងកុមារ៥នាក់ ពីបណ្តាខេត្ត-ក្រុងនានា ក្នុងប្រទេស។

យោងតាមរបាយការណ៍កម្លាំងប៉ុស្តិ៍ប៉ោយប៉ែត កាលពីថ្ងៃទី១៩ធ្នូ ឆ្នាំ២០១៨ ពលករទាំងនោះ គឺជាពលរដ្ឋនៅខេត្តបាត់ដំបង ចំនួន២០នាក់ កំពង់ធំ ១៤នាក់ សៀមរាប ៦នាក់ បន្ទាយមានជ័យ៣នាក់ និងខេត្តព្រៃវែង៨នាក់។

កាលពីឆមាសទី១ ឆ្នាំ២០១៨ អាជ្ញាធរបរទេសបានបញ្ចូនពលករខ្មែរត្រឡប់មកកម្ពុជាវិញ ជិត២ម៉ឺននាក់ពីប្រទេសចំនួន១៨ ។ ក្នុងនោះអាជ្ញាធរប្រទេសថៃ បានបញ្ជូនពលករសរុប ១៩, ៣៧៩នាក់៕