កីឡាអន្តរជាតិ
អន្តរជាតិ
FIFA Ranking៖ បែលហ្ស៊ីកបន្តឈរលេខ១តែឯង ខណៈបារាំងធ្លាក់មកលេខ២វិញ
× ក្រុមកីឡាបាល់ទាត់ជម្រើសជាតិបែលហ្ស៊ិក បានឡើងទៅឈរលេខ១ពិភពលោកនៃតារាងចំណាត់ថ្នាក់ FIFA Ranking ហើយបារាំងធ្លាក់ទៅលេខរៀតទី២វិញ។ នេះបើតាមការចេញផ្សាយរបស់គេហទំព័រផ្លូវការរបស់សហព័ន្ធកីឡាបាល់ទាត់អន្តរជាតិ FIFA នៅថ្ងៃទី២០ ខែធ្នូ ឆ្នាំ២០១៨។
ក្រុមរហស្សនាមបិសាចក្រហមដែលមានគ្រូបង្វឹកលោក Roberto Matinez នៅតែអាចរក្សាលំដាប់ពិន្ទុ១៧២៧ ដដែល បើទោះបីពួកគេមិនបានឈានទៅកាន់វគ្គពាក់កណ្តាលផ្តាច់ព្រ័ត្រពានរង្វាន់ UEFA Nations League ក្រោយចាញ់ស្វីសនាជំនួបចុងក្រោយវគ្គសន្សំពិន្ទុក៏ដោយ។
ចំណែកក្រុមមាន់គកបារាំងដែលចាញ់ហូឡង់សម្រាប់ការប្រកួតពានរង្វាប់ដូចគ្នានេះ បានធ្លាក់ពី១៧២៧ ទៅ១៧២៦វិញ ហើយក៏ត្រូវទៅឈរនៅចំណាត់ថ្នាក់ទី២ នៃតារាងចំណាត់ថ្នាក់ FIFA Ranking នៅក្នុងខែធ្នូនេះដែរ។
ការផ្លាស់ប្តូរចំណាត់ថ្នាក់ផ្សេងទៀតសម្រាប់ក្រុមកំពូលទាំង១០ (Top 10) មើលឃើញថាដាណឺម៉ាកបានធ្លាក់ទៅលេខ១០ ក្រោយនៅលេខ៩ស្ទួនជាមួយអេស្ប៉ាញ។ ប្រេស៊ីលនៅរក្សាចំណាត់ថ្នាក់ទី៣ដដែល ក្រូអាស៊ីលេខ៤ អង់គ្លេសឡើងទៅលេខ៥ ជំនួសអ៊ុយរ៉ូហ្គាយដែលធ្លាក់ទៅលេខ៧វិញ ហើយព័រទុយហ្គាល់ និងស្វីសនៅរក្សាលេខរៀតទី៦ និង៧របស់ខ្លួនដដែល៕
Tag:
បាល់ទាត់
FIFA Ranking
បែលហ្ស៊ីក
បារាំង
© រក្សាសិទ្ធិដោយ thmeythmey.com