ជាតិ
អនុប្រធានសភាបារាំង បានជួបប្រពន្ធលោក កឹម សុខា កាលពីថ្ងៃទី១៩ ធ្នូ
× ភ្នំពេញ៖ អនុប្រធានរដ្ឋសភាបារាំង លោក Sylvain Waserman បានជួបជាមួយលោកស្រី តែ ចន្ទមនោ ភរិយា លោក កឹម សុខា ប្រធានអតីតគណបក្សសង្គ្រោះជាតិ កាលពីថ្ងៃទី១៩ ធ្នូ នៅស្ថានទូតសាធារណរដ្ឋបារាំងប្រចាំកម្ពុជា។ ព័ត៌មានត្រូវបានលោក មុត ចន្ថា ដែលជាមនុស្សស្និទ្ធលោក កឹម សុខា សរសេរលើហ្វេសប៊ុក។
លោក មុត ចន្ថា មិនបានរៀបរាប់អ្វីច្រើនពីជំនួបនេះទេ ដោយលោកគ្រាន់តែបញ្ជាក់ថា កិច្ចប្រជុំពិភាក្សារវាងអនុប្រធានរដ្ឋសភាបារាំង និងភរិយាលោក កឹម សុខា បានប្រព្រឹត្តទៅដោយផ្លែផ្កា និងភាពស្និទ្ធស្នាល។ សារព័ត៌មានថ្មីៗ មិនអាចទាក់ទងលោក មុត ចន្ថា ដើម្បីសុំការអត្ថាធិប្បាយបន្ថែមជំវិញជំនួបរបស់ប្រតិភូបារាំង និងភរិយាលោក កឹម សុខា បាននៅឡើយទេ។
ក្រៅពីអនុប្រធានរដ្ឋសភាបារាំង ក៏មានលោក Michel Herbillon, អនុប្រធានគណៈកម្មការកិច្ចការបរទេស និងលោក Buon Tan, អនុប្រធានក្រុមមិត្តភាពបារាំង-កម្ពុជា៕
© រក្សាសិទ្ធិដោយ thmeythmey.com