កីឡាអន្តរជាតិ
អន្តរជាតិ
Solskjaer នឹងឲ្យកីឡាករលេងបាល់ដោយរីករាយក្រោមការដឹកនាំរបស់លោក
× លោក Ole Gunnar Solskjaer អ្នកចាត់ការទូទៅថ្មីក្រុម Manchester United បាននិយាយលើកទឹកចិត្តដល់កីឡាករថាលោកនឹង «ធ្វើឲ្យកីឡាកររីករាយជាមួយនឹងការលេងបាល់ទាត់ជាថ្មីម្តងទៀតបន្ទាប់ពីការបណ្តេញលោក Jose Mourinho ពីតំណែង»។
ក្លិបរហស្សនាមបិសាចក្រហមបានសម្រេចតែងតាំងអតីតខ្សែប្រយុទ្ធរបស់ខ្លួនដើម្បីដឹកនាំក្រុមបណ្តោះអាសន្នរហូតចប់រដូវកាល នៅថ្ងៃទី១៩ ខែធ្នូ ពោលគឺក្រោយមួយថ្ងៃបន្ទាប់ពី Mourinho ត្រូវបានបញ្ចប់តំណែង។
Solskjaer ដែលបច្ចុប្បន្នមាន វ័យ៤៥ឆ្នាំ ត្រូវមានភារកិច្ចធ្ងន់ក្នុងការដឹកនាំក្រុមកំពុងឈរចំណាត់ថ្នាក់ទី ៦ ក្នុងតារាងក្របខណ្ឌ Premier League។ ជំនួបដំបូងលោកត្រូវនាំ Man Utd ទៅជួប Cardiff City ក្នុងសប្តាហ៍ទី១៨។
អ្នកចាត់ការសញ្ជាតិន័រវែសរូបនេះបានប្រាប់ទូរទ្សន៍ MUTV ថាលោកចង់ឃើញកីឡាករទាំងអស់ «បង្ហាញពីរបៀបលេងដោយខ្លួនឯង» ក្នុងអំឡុងពេលយុទ្ធនាការនៃការប្រកួតដែលសល់ក្រោមការដឹកនាំរបស់លោក។
សូមបញ្ជាក់ថា ក្លិប Man Utd កំពុងសម្លឺងមើលអ្នកចាត់ការថ្មីដើម្បីឡើងទៅដឹកនាំក្រុមជាអចិន្ត្រៃយ៍នៅពេលបញ្ចប់រដូវកាល ២០១៨-២០១៩នេះ៕
© រក្សាសិទ្ធិដោយ thmeythmey.com