ពីនេះ ពីនោះ
×![]()
ដោយ: ថ្មីៗ
ពលរដ្ឋមួយចំនួនធំ នៅតែមិនយល់ច្បាស់រវាងពាក្យ «រី» និង«ឬ» នេះនៅឡើយ ដោយយល់ថាពាក្យទាំង២នេះ មានន័យដូចគ្នា ហើយអ្នកខ្លះទៀត ក៏មិនបានដឹងថាត្រូវប្រើពាក្យទាំងអស់នេះយ៉ាងណាផង។
តាមការពន្យល់របស់វចនានុក្រមខ្មែរ ពាក្យ«រី» សម្រាប់ប្រើជាមួយពាក្យ ឯ គឺ «រីឯ» ដែលនាំមុខនាម ដែលជាប្រធាន ឬប្រើផ្តើមសេចក្តីក្នុងប្រយោគមួយៗ ហើយមានន័យដូចនឹងពាក្យ «ចំណែកឯ, ដោយឡែក,ផ្សេង,ប្លែក ជាដើម»។ ឧទាហរណ៍៖ កសិករដាំអំពៅទទួលបានទិន្នផលល្អ រីឯតម្លៃក៏កើនឡើងខ្ពស់ផងដែរ។
ចំពោះ «ឬ» នៅក្នុងវចនានុក្រម មានន័យថា ជាសេចក្តីសង្ស័យ ដូចជា មិនប្រាកដ, មិនដាច់ស្រេច, មិនអស់មិនហើយ, មិនមែនឬ? មានដែរឬ? ឬក៏, ឬទេ, ឬអ្វី, ឬថា? ពិតមែនឬ?៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
