ជាតិ
ព្រឹទ្ធសភា នឹងពិនិត្យអនុម័តច្បាប់ដែលបើកផ្លូវឲ្យអតីតមន្ត្រីCNRP ចូលធ្វើនយោបាយវិញ នៅថ្ងៃទី២៤ ធ្នូ
×![]()
ដោយ: ថ្មីៗ
ភ្នំពេញ៖ រដ្ឋសភា នឹងពិនិត្យនិងអនុម័ត លើមាត្រា៤៥ថ្មី (ស្ទួន) ស្តីពីគណបក្សនយោបាយ នាថ្ងៃទី២៤ ខែធ្នូ ឆ្នាំ២០១៨នេះ។ ក្រោយធ្វើវិសោធនកម្ម មាត្រា៤៥ថ្មី (ស្ទួន) បានក្លាយជាមាត្រាថ្មី៤៥ថ្មី (ស្ទួន១) ហើយនឹងត្រូវចូលធរមាននិងដាក់ឲ្យអនុវត្ត នៅពេលណាព្រះមហាក្សត្រ ចេញព្រះរាជក្រម។
មាត្រា៤៥ថ្មី (ស្ទួន) ចែងថា តុលាការកំពូល អាចហាមថ្នាក់ដឹកនាំនៃគណបក្សណាមួយ ដែលត្រូវបានរំលាយចោល មិនឲ្យធ្វើនយោបាយរយៈពេល៥ឆ្នាំ។ ប៉ុន្តែ មាត្រា៤៥ថ្មី (ស្ទួន១) ដែលទើបនឹងត្រូវបានធ្វើវិសោធនកម្ម បានផ្តល់សិទ្ធិឲ្យនាយករដ្ឋមន្ត្រី អាចថ្វាយសំណើទៅព្រះមហាក្សត្រ ដើម្បីសុំឲ្យព្រះអង្គប្រទាននីតិសម្បទា និងអនុញ្ញាតឲ្យអ្នកជាប់បម្រាម ចូលធ្វើនយោបាយវិញ។
នាយករដ្ឋមន្ត្រី ទើបនឹងប្រកាសថា ក្រោយមាត្រានេះ ត្រូវបានធ្វើវិសោធនកម្មរួច អតីតថ្នាក់ដឹកនាំគណបក្សប្រឆាំង អាចដាក់សំណើជាលក្ខណៈបុគ្គល ឬជាក្រុមដែលមានគ្នាបួន-ប្រាំនាក់ ដើម្បីសុំចូលធ្វើនយោបាយវិញ។ បន្ទាប់មក នាយករដ្ឋមន្ត្រី នឹងពិចារណាថាឲ្យឬមិនឲ្យ។
បច្ចុប្បន្ន កម្ពុជា មានមនុស្ស១១៨នាក់ (ស្លាប់ម្នាក់) ជាអតីតថ្នាក់ដឹកនាំគណបក្សប្រឆាំង ដែលត្រូវបានតុលាការកំពូល ដកសិទ្ធិនយោបាយ។
ក្រៅពីមាត្រា៤៥(ស្ទួន)ច្បាប់ស្តីពីគណបក្សនយោបាយនេះ ព្រឹទ្ធសភា ក៏នឹងពិនិត្យលើច្បាប់ស្ដីពី បរធនបាលកិច្ចផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
