កីឡាអន្តរជាតិ
អន្តរជាតិ
តើកំណែទម្រង់វិស័យបាល់ទាត់ចិនអាចនាំមហាយក្សនេះចូល World Cup នៅកាតាដែរឬទេ?
×![]()
ដោយ: ទេព ពិទូរ្យ
តាមទស្សនវិស័យរយៈពេលវែង ចិនកំពុងធ្វើយ៉ាងណាឲ្យមានភាពប្រាកដប្រជាក្នុងការធ្វើកំណែទម្រង់កីឡាបាល់ទាត់របស់ខ្លួន និងផែនការអភិវឌ្ឍន៍ដែលត្រូវបានអនុវត្តន៍ក្នុងឆ្នាំ ២០១៥ សម្រាប់កិច្ចខិតខំប្រឹងប្រែងមួយដើម្បីប្រែក្លាយប្រទេសនេះឲ្យទៅជាប្រទេសមានឥទ្ធិពលក្នុងវិស័យបាល់ទាត់ត្រឹមឆ្នាំ ២០៥០។
ទោះជាយ៉ាងនេះក្តី រយៈពេល៣ឆ្នាំមកនេះគេមើលឃើញថាការលេងរបស់ក្រុមកីឡាបាល់ទាត់ជម្រើសជាតិចិននៅមានគម្លាតឆ្ងាយពីអ្វីដែលសហព័ន្ធកីឡាបាល់ទាត់ចិន (CFA) និងអ្នកគាំទ្រចិនចង់បាននៅឡើយ។
ការកំណត់ភាពជោគជ័យគឺជាការលំបាកសម្រាប់ CFA។ អ្វីដែលសំខាន់ពួកគេគួរតែត្រូវធ្វើយ៉ាងណាប្រជែងយកកៅអីទៅកាន់ព្រឹត្តិការណ៍ការប្រកួត FIFA World Cup ឆ្នាំ២០២២ នៅកាតា ដោយ កសាងមូលដ្ឋានដ៏រឹងមាំសម្រាប់ការហ្វឹកហាត់យុវវ័យថ្នាល។
ជុំវិញបញ្ហានេះ លោក Marco Pezzaiuoli អតីតគ្រូបង្វឹកក្រុមយុវជនរបស់ក្លិប Guangzhou Evergrande លើកឡើងថា បាល់ទាត់គឺជាគម្រោងរយៈពេលវែងសម្រាប់ប្រទេសចិន។ ពួកគេត្រូវប្រើពេលពីមួយទៅពីរជំនាន់រហូតដល់ចិនអាចឈានដល់កម្រិតមួយដើម្បីប្រកួតប្រជែងដោយជោគជ័យនៅក្នុងការប្រកួតបាល់ទាត់ពិភពលោក។
«កិច្ចខិតខំប្រឹងប្រែងរបស់ចិនក្នុងវិស័យកីឡាបាល់ទាត់ បានចាប់ផ្តើមបញ្ចូលក្នុងកម្មវិធីសិក្សា ចាប់ពីថ្នាក់បឋមសិក្សានៅទូទាំងប្រទេសដោយមានការគិតគូពីរដ្ឋាភិបាល។ ប៉ុន្តែបាល់ទាត់ចិននៅតែមានភាពក្មេងខ្ចីនៅឡើយ ហើយពួកគេត្រូវការពេលវេលាដើម្បីហ្វឹកហាត់ និងអភិវឌ្ឍខ្លួន»។ ទាំងនេះគឺដើម្បីប្រាកដថា ចិនអាចទទួលជោគជ័យលើវិស័យនេះក្នុងតំបន់ដែលលោក Pezzaiuoli លើកឡើង។
ជាផ្នែកមួយនៃគម្រោងបណ្តុះបណ្តាល ក្រុមកីឡាបាល់ទាត់ចិនអាយុក្រោម ១៥ ឆ្នាំកំពុងត្រៀមរៀបចំវគ្គបណ្ដុះបណ្ដាលរយៈពេល ១០ខែសម្រាប់ការហ្វឹកហាត់របស់ពួកគេ។ កីឡាករវ័យក្មេងទាំងនេះ នឹងត្រូវជួបប្រកួតជាមួយក្រុមយុវជនមកពីក្លិបធំៗលំដាប់ពិភពលោកដូចជា Real Madrid, Atletico Madrid និង Getafe ក្នុងអំឡុងពេលពួកគេស្ថិក្នុងប្រទេសអេស្ប៉ាញនោះ។
នឹងមានការពិចារណាបន្ថែមទៀតសម្រាប់ចិន ដែលមិនត្រឹមតែជាការប្រកួតលក្ខណហ្វឹកហាត់នៅលើទីលាននោះទេ។ AFC ត្រូវបានកំណត់ថាតើក្រុមជម្រើសជាតិអាចមានលក្ខណៈសម្បត្តិគ្រប់គ្រាន់ដើម្បីចូលរួមការប្រកួតកីឡាអូឡាំពិកនៅទីក្រុងតូក្យូឆ្នាំ ២០២០ និងការប្រកួតបាល់ទាត់ពិភពលោកឆ្នាំ ២០២២ នៅប្រទេសកាតា៕
Tag:
បាល់ទាត់
FIFA World Cup
ចិន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
