ភ្នំកំពង់ត្រាច រមណីយដ្ឋានធម្មជាតិដ៏ទាក់ទាញនៅខេត្តកំពត

ជាតិ

ភ្នំកំពង់ត្រាច រមណីយដ្ឋានធម្មជាតិដ៏ទាក់ទាញនៅខេត្តកំពត

22, Dec 2018 , 4:15 pm

រូបភាព

ដោយ: ថ្មីៗ

ស្ថិតភូមិដំណាក់កន្ទួត ឃុំដំណាក់កន្ទួត ស្រុកកំពង់ត្រាច ខេត្តកំពត ភ្នំកំពង់ត្រាច គឺជារមណីយដ្ឋានដ៏ទាក់ទាញមួយសម្រាប់អ្នកស្រឡាញ់ធម្មជាតិ និងប្រវត្តិសាស្ត្រ។ រូងភ្នំដែលមានទិដ្ឋភាពដ៏ស្រស់ស្អាត ទឹកល្អាងដ៏ត្រជាក់ចិត្ត និងទីសក្ការៈផ្សេងៗ ដ៏ស័ក្តិសិទ្ធ បានធ្វើឲ្យទេសចរជាតិ និងអន្តរជាតិ មានអនុស្សាវរីយ៍ដែលមិនអាចបំភ្លេចបាននៅភ្នំកំពង់ត្រាច ឬភ្នំបាក់។

អត្ថបទទាក់ទង

ឥសីជប់នៅភ្នំបាក់ ឬភ្នំកំពង់ត្រាច ល្បីថាស័ក្ដិសិទ្ធិ

នៅកណ្តាលភ្នំ យើងអាចផ្តិតយកទិដ្ឋភាពផ្ទៃមេឃដ៏ធំល្វឹងល្វើយ អមដោយម្លប់ឈើដ៏ត្រឈឹងត្រឈៃ។ នៅផ្នែកខាងក្រៅ យើងឃើញផ្ទាំងថ្មធំៗ វាលស្រែទូលាយ និងមានរទេះសេះផ្តល់សេវាកម្មកម្សាន្តជុំវិញភ្នំ ផងដែរ។

ក្រុមការងារនៃសារព័ត៌មាន ThmeyThmey បានទៅដល់ទីរមណីយដ្ឋានដ៏ប្រណីតនោះ នាអំឡុងនៃដំណើរកម្សាន្តប្រចាំឆ្នាំឆ្នោះទៅកាន់ខេត្តកែប និងកំពត ដោយមានការចូលរួមឧបត្ថម្ភពីបណ្តាក្រុមហ៊ុនមួយចំនួនដូចជា ក្រុមហ៊ុនកូកាកូឡា ក្រុមហ៊ុន Mercedes Benz កសិដ្ឋានធម្មជាតិចំការដំណាក់ (ភ្នំវល្លិ៍) និងលោក អាង គីមអៀង ប្រធានទីភ្នាក់ងារទេសចរណ៍ Great Angkor Tours។

សូមទស្សនាទិដ្ឋភាពដូចខាងក្រោមដែលផ្តិតដោយលោក ប៉ាន់ បូនី លោក ទូច សុវណ្ណឌី និងលោក ឈុត ឈាណា៖