Boxing Day ជាថ្ងៃសម្រាកបន្ទាប់ពីពិធីបុណ្យណូអែលមួយថ្ងៃ ពោលគឺថ្ងៃទី ២៦ ខែ ធ្នូដែលគេនិយមប្រារព្ធឡើងនៅប្រទេសលោកខាងលិច។ នេះជាថ្ងៃពិសេស សម្រាប់ប្រជាជនអង់គ្លេស ប៉ុន្តែការប្រកួតកីឡាបាល់ទាត់នៅអង់គ្លេសគ្រប់លីគទាំងអស់មិនបានសម្រាកទេ ដោយតម្រូវឲ្យពួកគេមានការប្រកួតចំថ្ងៃនោះតែម្តង។
ក្នុងក្របខណ្ឌ Premier League នឹងមានការប្រកួតរហូតដល់៩គូ នៅយប់ថ្ងៃ Boxing Day នេះតែម្តង។ Fulham នឹងត្រូវស្វាគមន៍ Wolverhampton នៅម៉ោង៧:៣០នាទីយប់ [ម៉ោងនៅកម្ពុជា] ខណៈ៨គូទៀតលេងនៅម៉ោងបន្តបន្ទាប់។
Newcastle United ដែលត្រូវធ្វើដំណើរទៅកាន់ទឹកដី Anfeld ដើម្បីតទល់ជាមួយក្រុមមិនទាន់ស្គាល់ចាញ់ Liverpool (ម៉ោង១០:០០នាទីយប់) ជាជំនួបគួរឲ្យចាប់អារម្មណ៍បំផុត។ Leicester City ទទួលភ្ញៀវ Manchester City ហើយ Manchester United ប៉ះ Huddersfield Town រីឯ Tottenham Hotspur ទទួល AFC Bournemouth និងជំនួបផ្សេងទៀត។
ដោយឡែកការប្រជែងគ្នានៅក្របខណ្ឌទីពីរអង់គ្លេស Championship ក៏មានការប្រកួតចំនួន ១២គូផងដែរនៅថ្ងៃ Boxing Day នេះ។ ក្រុមកំពុងឈរកំពូលតារាង Leeds United ដែលរំពឹងថានឹងឡើងទៅកាន់លីគកំពូលនៅរដូវកាលក្រោយត្រូវទទួលស្វាគមន៍ Blackburn Rovers ហើយ១១គូទៀតត្រូវលេងនៅម៉ោង ១០:០០នាទីដំណាលគ្នា៕
ជំនួបទាំង១០គូនៅ Premier League រូមមាន៖
Fulham Vs Wolves (ម៉ោង ៧:៣០នាទី)
Burnley Vs Everton (ម៉ោង ១០:០០នាទី)
Crystal Palace Vs Cardiff (ម៉ោង ១០:០០នាទី)
Leicester Vs Man City (ម៉ោង ១០:០០នាទី)
Liverpool Vs Newcastle (ម៉ោង ១០:០០នាទី)
Man Utd Vs Huddersfield (ម៉ោង ១០:០០នាទី)
Spurs Vs Bournemouth (ម៉ោង ១០:០០នាទី)
Brighton Vs Arsenal (ម៉ោង ១២:១៥នាទី)
Watford Vs Chelsea (ម៉ោង ២:៣០នាទី)