ជាតិ
នយោបាយជាតិ
ទូតចិនថ្មី ប្រាប់សម្តេច ហ៊ុន សែន ថា នឹងខំធ្វើការ ដើម្បីពង្រឹងទំនាក់ទំនង នាយករដ្ឋមន្រ្តីកម្ពុជា ជួបជាមួយទូតចិន នៅវិមានសន្តិភាព នាព្រឹកថ្ងៃទី២៨ ខែធ្នូ ឆ្នាំ២០១៨
× ក្នុងជំនួបជាមួយសម្តេចនាយករដ្ឋមន្ត្រី ហ៊ុន សែន លោក Wang Wentian ឯកអគ្គរដ្ឋទូតចិនប្រចាំកម្ពុជា ដែលទើបនឹងត្រូវបានតែងតាំង បានប្តេជ្ញាថា លោក នឹងប្រឹងប្រែងឲ្យអស់ពីសមត្ថភាព ដើម្បីជំរុញទំនាក់ទំនង ឲ្យកាន់តែខ្លាំងឡើងថែមទៀត និងដើម្បីនាំមកនូវផលប្រយោជន៍សម្រាប់ប្រជាជននៃប្រទេសទាំងពីរ។
សម្តេច ហ៊ុន សែន ឆ្លើយតបថា ទំនាក់ទំនងរវាងកម្ពុជា-ចិន បានវិវឌ្ឍជាច្រើនដំណាក់មកហើយ រហូតមកដល់បច្ចុប្បន្ននេះ បានក្លាយជាដៃគូយុទ្ធសាស្ត្រគ្រប់ជ្រុងជ្រោយ និងក្លាយជាមិត្តដែកថែបជាមួយគ្នាទៀតផង។
ព័ត៌មានលើទំព័រហ្វេសប៊ុករបស់សម្តេច ហ៊ុន សែន បានសរសេរថា សម្តេច បានលើកទឹកចិត្ត ដល់លោក Wang Wentian ក្នុងការបំពេញបេសកកម្មការទូត ដោយធ្វើយ៉ាងណាជំរុញឲ្យទទួលបានជោគជ័យនូវរាល់គម្រោង ដែលមេដឹកនាំនៃប្រទេសទាំងពីរ បានចុះហត្ថលេខារួមគ្នារួចមកហើយ។ លើសពីនេះ នាយករដ្ឋមន្ត្រីកម្ពុជា បានស្នើឲ្យភាគីចិន បន្តស្វែងរកកិច្ចសហប្រតិបត្តិការផ្សេងៗទៀត លើគ្រប់វិស័យ ដើម្បីការរីកចម្រើន នៃប្រទេសទាំងពីរ៕
Tag:
កម្ពុជា-ចិន
ទំនាក់ទំនង
ហ៊ុន សែន
ទូតចិន
© រក្សាសិទ្ធិដោយ thmeythmey.com