ជាតិ
សង្គមជាតិ
អាជ្ញាធរ៖ បោះចំណីឲ្យព្រាបមុខវាំង ត្រូវពិន័យស្មើនឹងការចោលសំរាម
× ក្រោយស្រី្តម្នាក់ ត្រូវបានផាក២ម៉ឺនរៀល ព្រោះបាននាំកូនទៅបោះចំណី ឲ្យសត្វព្រាបនៅមុខព្រះបរមរាជវាំង អាជ្ញាធរខណ្ឌដូនពេញ ក៏ចេញមកបកស្រាយ ដើម្បីជៀសវាងការងឿងឆ្ងល់ពីប្រជាពលរដ្ឋនិងអ្នកប្រើប្រាស់បណ្តាញសង្គមហ្វេសប៊ុក។
តាមរយៈទំព័រហ្វេសប៊ុក អាជ្ញាធរខណ្ឌដូនពេញ អះអាងថា ការផាកពិន័យនេះ គឺជាការអនុវត្តតាមអនុក្រឹត្យរបស់រដ្ឋាភិបាលស្ដីពី ការគ្រប់គ្រងសំរាមនិងសំណល់រឹងទីប្រជុំជន។ យោងតាមខ្លឹមសារនៃអនុក្រឹត្យនេះ អាជ្ញាធរខណ្ឌដូនពេញ បានចាត់ទុក ការបោះចំណីឲ្យសត្វព្រាបនៅមុខព្រះបរមរាជវាំង ថាដូចជាការចោលសំរាមដែរ។
អាជ្ញាធរខណ្ឌដូនពេញ បានពន្យល់យ៉ាងដូច្នេះថា៖«បុគ្គលដែលបោះចោលសំរាម សំណល់រឹង នៅទីប្រជុំជន នៅទីសាធារណៈ តាមដងផ្លូវ ទីវាលដីកម្មសិទ្ធិ ឬទីកន្លែង ដែលរដ្ឋបាលរាជធានី ក្រុង ស្រុក ខណ្ឌ ហាមឃាត់ ត្រូវទទួលការផាកពិន័យ២ម៉ឺនរៀល...»។
អាជ្ញាធរខណ្ឌដូនពេញ អះអាងថា បាននិងកំពុងអនុវត្តច្បាប់ ដោយផាកពិន័យចំពោះជនណាដែលមិនគោរពតាមការណែនាំរបស់អាជ្ញាធរ ហើយក្នុងករណីមានការរឹងរូស មិនគោរពតាមការណែនាំ អាជ្ញធរ នឹងអនុវត្តវិធានការច្បាប់ដោយមិនលើកលែងឡើយ៕
Tag:
រាជវាំង
ព្រាប
ពិន័យ
អាជ្ញាធរដូនពេញ
© រក្សាសិទ្ធិដោយ thmeythmey.com