ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ប្រភពថាមពលដ៏សំខាន់របស់រាងកាយ គឺជាជាតិស្ករ ដែលយើងអាចទទួលបាន ភាគច្រើនមកពីចំណីអាហារ ដែលយើងបរិភោគ។ ការខ្វះជាតិស្ករក្នុងឈាម គឺជាបញ្ហាសុខភាព ដែលគេកម្រជួបប្រទះ ចំពោះអ្នកដែលមានសុខភាពធម្មតា តែភាគច្រើន កើតលើអ្នកដែលកំពុងព្យាបាលជំងឺទឹកនោមផ្អែម។
ទោះជាយ៉ាងណា វាអាចមាន លក្ខខណ្ឌផ្សេងគ្នាជាច្រើន តែកម្រណាស់ ដែលអាចបណ្តាលអោយជាតិស្ករក្នុងឈាមទាប ចំពោះអ្នកដែលមិនមានជំងឺទឹកនោមផ្អែម។
បើសិនជាអ្នក មានរោគសញ្ញានៃការខ្វះជាតិស្ករ ហើយមិនបានព្យាបាល អ្នកអាចនឹងសន្លប់បាត់បង់ស្មារតីបាន។ នេះដោយសារតែខួរក្បាលរបស់អ្នក ត្រូវការជាតិស្ករ ដើម្បីដំណើរការបានត្រឹមត្រូវ។ ផលវិបាកនៃការមិនបានព្យាបាលអោយបានទាន់ពេល អាចមានដូចជា ៖
• ប្រកាច់
• ការសន្លប់បាត់បង់ស្មារតី
• អាចធ្វើអោយស្លាប់ ជាពិសេស ចំពោះអ្នកដែលមានជំងឺទឹកនោមផ្អែម។
ម្យ៉ាងវិញទៀត ប្រសិនបើអ្នកមានជំងឺទឹកនោមផ្អែម អ្នកត្រូវប្រុងប្រយ័ត្ន ដោយមិនអោយការព្យាបាលជ្រុល រហូតដល់ធ្វើអោយជាតិស្ករក្នុងឈាមចុះទាបពេកនោះទេ។
តែប្រសិនបើអ្នក បណ្តាលអោយកម្រិតជាតិស្ករក្នុងឈាមកើនឡើងខ្ពស់ពេក នេះក៏អាចនាំអោយមានគ្រោះថ្នាក់ និងអាចបណ្តាលខូចខាតដល់សរសៃប្រសាទ សរសៃឈាម និងសរីរាង្គផ្សេងគ្នារបស់អ្នកផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
