ពីនេះ ពីនោះ
ព័ត៍មានសុខភាព
រឿងរ៉ាវអស្ចារ្យទាំងនេះនឹងកើតឡើងចំពោះសុខភាព នៅពេលអ្នកទទួលទានជាតិសរសៃកាន់តែច្រើន
×![]()
ដោយ: ថ្មីៗ
លុះត្រាតែអ្នកទទួលទានបន្លែ, ផ្លែឈើ, គ្រាប់ពូជ និងគ្រាប់ធញ្ញជាតិជាប្រចាំទើបអ្នកមិនបាត់បង់នូវជាតិសរសៃដែលរាងកាយត្រូវការដើម្បីរក្សាបាននូវសុខភាពល្អប្រសើរ។ ថាតើជាតិសរសៃមានសារៈសំខាន់យ៉ាងណាខ្លះទៅ? អ្នកគួរដឹងជាមុនសិនថា ជាធម្មតាជាតិសរសៃមានពីរប្រភេទ គឺជាតិសរសៃរលាយដែលភាគច្រើនមានផ្ទុកក្នុងគ្រាប់ធញ្ញជាតិ, សណ្ដែក, ប្ល៊ូបឺរី និងត្រសក់។ រីឯមួយប្រភេទទៀត គឺជាតិសរសៃមិនរលាយដែលមានផ្ទុកក្នុងបន្លែបៃតង, បន្លែភ្លៅកង្កែប, សណ្ដែកខៀវ និងការ៉ុត។
ខាងក្រោមនេះយើង នឹងបង្ហាញឱ្យដឹងពីអត្ថប្រយោជន៍នៃការទទួលទានអាហារមានផ្ទុកជាតិសរសៃ ៖
១. សុខភាពបេះដូង
ហានិភ័យនៃជំងឺបេះដូងធ្លាក់ចុះដល់ទៅ ៩ ភាគរយ ក្នុង ៧ ក្រាមនៃការទទួលទានអាហារមានផ្ទុកជាតិសរសៃជាប្រចាំ។ នោះក៏ព្រោះតែជាតិសរសៃមានប្រសិទ្ធិភាពកាត់បន្ថយកម្រិតនៃកូឡេស្តេរ៉ូលមិនល្អ។
២. គ្រប់គ្រងជាតិស្ករក្នុងឈាម
ជាតិសរសៃរលាយអាចជួយពន្យឺតការស្រូបយកជាតិស្កររបស់រាងកាយ ហើយក៏ជួយគ្រប់គ្រងកម្រិតនៃជាតិស្ករក្នុងឈាមផងដែរ។
៣. សុខភាពខួរក្បាល
ការបន្ថែមជាតិសរសៃត្រឹមតែ ៧ ក្រាមចូលក្នុងរបបអាហារប្រចាំថ្ងៃអាចកាត់បន្ថយហានិភ័យនៃជំងឺដាច់សរសៃឈាមខួរក្បាលបានយ៉ាងហោចណាស់ ៧ ភាគរយឯណោះ។
៤. ព្យាបាល និងទប់ស្កាត់អាការៈទល់លាមក
ជាតិសរសៃមានប្រសិទ្ធិភាពជួយសម្រួលដល់ការរំលាយអាហារ និងបន្ទន់លាមក ក៏ដូចជាកាកសំណល់ឱ្យឆ្លងកាត់ប្រព័ន្ធរំលាយអាហារបានឆាប់រហ័ស។
៥. សុខភាពសួត
ជាតិសរសៃ Dietary fiber ជួយបំបាត់ការរលាកតាមប្រព័ន្ធក្នុងរាងកាយ និងថែមទាំងកាត់បន្ថយហានិភ័យនៃជំងឺផ្សេងៗបង្កឡើងដោយការរលាក រួមទាំងជំងឺស្ទះផ្លូវដង្ហើមរ៉ាំរ៉ៃ ផងដែរ។
៦. សុខភាពតម្រងនោម
ការទទួលទានជាតិសរសៃច្រើនជាង ២១ ក្រាមជាប្រចាំអាចជួយកាត់បន្ថយហានិភ័យនៃជំងឺគ្រួសក្នុងតម្រងនោមបានដល់ទៅ ២២ ភាគរយ។
៧. សុខភាពពោះវៀន
ការបន្ថែមជាតិសរសៃក្នុងរបបអាហារប្រចាំថ្ងៃអាចជួយគ្រប់គ្រងតុល្យភាពនៃបាក់តេរីសុខភាពល្អសម្រួលដល់ដំណើរការនៃការរំលាយអាហារ។
៨. ជួយឱ្យស្រកទម្ងន់
អ្នកដែលបង្កើនជាតិសរសៃក្នុងរបបអាហារប្រចាំថ្ងៃដល់ទៅ ៣០ ក្រាម ឬច្រើនជាងនេះ គឺអាចស្រកទម្ងន់បានដូចទៅនឹងអ្នកដែលតមអាហារដែរ។
៩. សុខភាពស្បែក
ជាតិសរសៃជួយកម្ចាត់រោគផ្សិតចេញពីរាងកាយដែលធ្វើឱ្យស្បែកជៀសផុតពីបញ្ហាកន្ទួលរមាស់,ឡើងរោលក្រហម ឬរោគមុន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
