ចិន​បញ្ជូន​យានអវកាស Chang’e-4 ដំបូង​ទៅ​ចុះចត​លើ​ភព​ព្រះ​ចន្ទ​
វិទ្យាសាស្រ្ត និង បច្ចេកវិទ្យា
អន្តរជាតិ
ចិន​បញ្ជូន​យានអវកាស Chang’e-4 ដំបូង​ទៅ​ចុះចត​លើ​ភព​ព្រះ​ចន្ទ​
05, Jan 2019 , 12:11 pm        
រូបភាព
​ប្រទេស​ធំៗ​មួយចំនួន​មានដូចជា អាមេរិក រុស្សី ឥណ្ឌា និង​ជប៉ុន មានឈ្មោះ​បោះ​សំឡេង​និង​សមត្ថ​ភាពខ្លាំង​គ្រប់គ្រាន់​ក្នុង​ការបង្កើត​បច្ចេកវិទ្យា​ទំនើប​ដើម្បី​បង្ហោះ​ផ្កាយរណប យានអវកាស និង​ឧបករណ៍​ស្រាវជ្រាវ​នានា​ទៅ​ដែន​លំហ​។ ចិន​ដែលជា​មហាអំណាច​ជាន់​ថ្មី​នេះ ក៏​កំពុង​បង្កើន​សមត្ថភាព​និង​បច្ចេកវិទ្យា​ដើម្បី​ប្រជែង​គ្នា​គ្រប់គ្រង​លំហ​ដែរ​។

 
​រយៈពេល​ប៉ុន្មាន​ឆ្នាំ​ចុង​ក្រោយនេះ ចិន​កំពុងតែ​បង្កើន​សក្តានុពល​របស់​ខ្លួន​ក្នុងការ​ប្រកួតប្រជែង​ជាមួយ​មហាអំណាច​អវកាស​ជើងចាស់​។ ដើមឆ្នាំ ២០១៩​នេះ ចិន​ចាប់ផ្តើម​បង្ហោះ​ផ្កាយរណប​ថ្មី​មួយ​ដែលមាន​ឈ្មោះថា Chang’e-4 ទៅចុះចតនៅផ្នែកងងឹតនៃ​ភព​ព្រះ​ចន្ទ​។ 
 
​យោងតាម​ការចេញផ្សាយ​ដោយសារ​ព័ត៌មាន​អង់គ្លេស BBC ចុះផ្សាយ​កាលពី​ថ្ងៃទី​៣ ខែ មករា Chang’e-4 ដែលជា​ផ្កាយរណប​លើកដំបូង​របស់​ចិន នឹង​ទៅ​ស្រាវជ្រាវ​ផ្នែក​ងងឹត​នៃ​ភព​ព្រះ​ចន្ទ ហើយ​វា​បាន​ចុះចត​ដោយ​ជោគជ័យ​ហើយ​។ រឿង​មួយ​នេះ​ត្រូវបាន​អ្នកជំនាញ​ចាត់ទុកថា ជា​ជំហាន​មួយ​ដ៏​ធំ​ក្នុងការ​ប្រកួតប្រជែង​ផ្នែក​អវកាស​របស់​ចិន​។​
 
​ចាប់តាំងពី​ឆ្នាំ ១៩៧២ មក យានអវកាស​ជាច្រើន​ត្រូវបាន​បង្ហោះ​ដើម្បី​ទៅពិនិត្យ និង​សិក្សា​ពី​ភព​មួយ​នេះ​។ ប៉ុន្តែ​យាន​ទាំងនោះ​ត្រូវបាន​គេ​បញ្ជូនទៅ​ដើម្បី​សិក្សា​ពីលើ​គន្លង​ប៉ុណ្ណោះ មិនមែន​ចុះចត​ផ្ទាល់​នៅ​ទីនោះ​ទេ​។ នេះ​បានន័យថា Chang’e-4 គឺជា​យាន​ដំបូង​ដែល​បាន​ចុះចត​ដោយផ្ទាល់​លើ​ភព​ព្រះ​ចន្ទ​ក្នុង​រយៈពេល​៤៧​ឆ្នាំ​ចុងក្រោយ​។ 
 
​ដោយសារតែ​ទំនាញ​ភពផែនដី​មាន​ឥទ្ធិពល​ខ្លាំង​លើ​ភព​ព្រះ​ចន្ទ ទើប​ធ្វើ​ឲ្យ​ភព​រណប​មួយ​នេះ​បែរ​ផ្ទៃ​តែ​ម្ខាង​មករក​ផែនដី ហើយ​បាតុភូត​នេះ​ត្រូវបាន​គេ​ហៅ​ជា​ភាសា​អង់គ្លេស Tidal Locking ។ ចំណែកឯ​ផ្នែក​ម្ខាង​ទៀត គឺជា​ផ្នែក​ងងឹត អ្នក​សង្កេត​មិនអាច​ពិនិត្យមើល​ពី​ភពផែនដី​បានឡើយ​។ 
 
​ហេតុដូចនេះ​ហើយ​ទើប ចិន​បាន​បង្ហោះ​ផ្កាយរណប​របស់ខ្លួន​មួយ​នេះ​ទៅ​ផ្នែក​ងងឹត​របស់​ព្រះ​ចន្ទ​ក្នុង​គោលបំណង​ទាញយក​ទិន្នន័យ​ភូមិសាស្ត្រ និង​វិភាគ​ពី​ប្រភេទ​ជីវគីមី​របស់​ភព​មួយ​នេះ​។ 
 
​តំបន់​ដែល​យាន Chang’e-4 ចុះចត​ត្រូវបាន​អ្នកជំនាញ​ដាក់ឈ្មោះថា Von Kármán Crater មាន​ទីតាំងនៅ​ទិស​ខាងត្បូង​នៃ​ភព​។ យាន​មួយ​ត្រូវបាន​គេ​បំពាក់​ជាមួយ​កា​ម៉េ​រា​ទំនើប មាន​នាទី​ក្នុង​ការថត​និង​ពិនិត្យ​មើលរូប​ធាតុគីមី​នានា រួមទាំង​ម៉ាស៊ីន​វិទ្យុ​ដោយ​ប្រើប្រាស់​ហ្វ្រេ​កង់ទាប​សម្រាប់​ទំនាក់ទំនង​៕ 
 
 

Tag:
 ភព​ព្រះ​ចន្ទ​
  ចិន​
  Chang’e-4
© រក្សាសិទ្ធិដោយ thmeythmey.com