ទេសចរខ្លះច្រកទឹកនៅលិង្គមួយពាន់យកទៅផ្ទះ ព្រោះជឿថាស័ក្តិសិទ្ធិ

ជាតិ

ទេសចរខ្លះច្រកទឹកនៅលិង្គមួយពាន់យកទៅផ្ទះ ព្រោះជឿថាស័ក្តិសិទ្ធិ

05, Jan 2019 , 8:19 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ទឹកហូរនៅលិង្គមួយពាន់ នាភ្នំគូលែន ត្រូវបានគេជឿថាមានបារមីស័ក្តសិទ្ធិ និងផ្តល់ភាពត្រជាក់ត្រជំ។ ដូច្នេះហើយបានជាពលរដ្ឋ និងមានអ្នកទេសចរផង តែងតែច្រកទឹកពីភ្នំគូលែន យកទៅផ្ទះ។ លោក ស៊ើម ជាភ្នាក់ងារទេសចរណ៍នៅលើភ្នំគូលែន។ អ្នកមគ្គុទេសន៍រូបនេះ តែងសម្រួលដល់ការច្រកទឹកនៅលិង្គមួយពាន់នេះ ឱ្យភ្ញៀវទេសចរពេលពួកគាត់មានតម្រូវការម្ដងៗ។ លោកថា ភ្ញៀវទេសចរតែងយកទឹកពីកន្លែងពីលិង្គមួយពាន់នេះពេលត្រឡប់ទៅផ្ទះវិញ តាមចំនួនតិច ឬច្រើន។ ដ្បិតតែមិនបានដឹងមូលហេតុច្បាស់លាស់ តែលោក ស៊ើម សន្និដ្ឋានថា គេអាចយកទៅប្រោះព្រំ លើករាសីជាដើម។ លោកបន្ថែមថា អ្នកដែលជឿនឹងបារមីទឹកលិង្គមួយពាន់មុននឹងយកទឹកចេញទៅបាន ត្រូវអុជធូបសុំជាមុន។ បើមិនដូច្នោះទេ ទឹកនោះនឹងលែងស័ក្ដិសិទ្ធិ។