ជាតិ
សង្គមជាតិ
អតីតអ្នកកាសែតThe Cambodia Daily លោក សាំង សុឥន្ទរិទ្ធ ទទួលមរណភាព ដោយសារជំងឺក្រលៀន
× ភ្នំពេញ៖ លោក សាំង សុឥន្ទរិទ្ធ អតីតអ្នកកាសែត The Cambodia Daily បានទទួលមរណភាព ក្នុងវ័យ៥៥ឆ្នាំ ដោយសារជំងឺក្រលៀន កាលពីថ្ងៃទី៥ មករា ។ នេះបើតាមក្រុមគ្រួសារសព សរសេរនៅលើហ្វេសប៊ុកផ្លូវការរបស់លោក សុឥន្ទរិទ្ធ។
សពលោក សាំង សុឥន្ទរិទ្ធ នឹងធ្វើបុណ្យតាមប្រពៃណីនៅស្រុកកំណើត ខេត្តកណ្ដាល។ មុននឹងទទួលមរណភាពនេះ លោក សាំង សុឥន្ទរិទ្ធ បានចូលមន្ទីរពេទ្យលាងឈាមជាញឹកញាប់ ដើម្បីបន្តជីវិត។ បើតាមហ្វេសប៊ុកផ្លូវការលោក សុឥន្ទរិទ្ធ បានបង្ហោះរូបចុងក្រោយនៅថ្ងៃទី៤ មករា គ្រាដែលលោកបានចូលលាងឈាមលើកទី២៧៨ ដោយសារជំងឺក្រលៀននេះ។
កន្លងមកសម្ដេចនាយករដ្ឋមន្ត្រី ហ៊ុន សែន ធ្លាប់ផ្ដល់ថវិកា២ម៉ឺនដុល្លារ រួមទាំងសប្បុរសជនផ្ដល់ជំនួយដល់លោក សាំង សុឥន្ទរិទ្ធ សម្រាប់ព្យាបាលជំងឺផងដែរ។
លោក សាំង សុឥន្ទរិទ្ធ ជាអ្នកកាសែតជើងចាស់មួយរូប ដែលធ្លាប់បានបម្រើការងារនៅកាសែត The Cambodia Daily ជាង២០ឆ្នាំមកហើយ៕
Tag:
សាំង សុឥន្ធរិទ្ធ
កាសែត
Cambodia Daily
© រក្សាសិទ្ធិដោយ thmeythmey.com