រថភ្លើងបុករថយន្ត នៅស្រុកព្រៃនប់ នៃខេត្តព្រះសីហនុ

ជាតិ

សង្គមជាតិ

រថភ្លើងបុករថយន្ត នៅស្រុកព្រៃនប់ នៃខេត្តព្រះសីហនុ

06, Jan 2019 , 4:15 pm

រូបភាព

រូបពីហ្វេសប៊ុករដ្ឋមន្ត្រីក្រសួងព័ត៌មាន

ដោយ:

ភ្នំពេញ៖ នៅព្រឹកថ្ងៃទី៦ មករានេះ មានករណីរថភ្លើង បានបុកជាមួយរថយន្តបែន ដែលបានឆ្លងកាត់ផ្លូវរថភ្លើង នៅក្នុងស្រុកព្រៃនប់ ខេត្តព្រះសីហនុ ដែលបណ្ដាលឱ្យខូចខាតរថយន្តផ្នែកខាងមុខទាំងស្រុង។

អ្នកនាំពាក្យរដ្ឋបាលខេត្តព្រះសីហនុ លោក ឱ សារឿន បាននិយាយថា ស្របពេលដែលរថភ្លើងកំពុងតែធ្វើដំណើរពីខេត្តព្រះសីហនុ ឆ្ពោះទៅភ្នំពេញតាមបណ្ដោយផ្លូវជាតិលេខ៣ ស្រាប់តែរថយន្តបែននេះ បើកមកដល់ចំណុចផ្លូវរថភ្លើងតែម្ដង ប៉ុន្តែមិនបានបង្កឲ្យមានអ្នកស្លាប់បាត់បង់ជីវិតឡើយ។ បើតាមលោក សារឿន សមត្ថកិច្ចកំពុងស្វែងរកម្ចាស់រថយន្តបែន ដើម្បីចាត់វិធានការតាមនីតិវីធីច្បាប់ ដែលបើកលើ្មសលើផ្លូវរថភ្លើងធ្វើដំណើរនេះ។ ចំណែករថយន្តជនបង្ក ត្រូវបានអាជ្ញាធរស្រុកព្រៃនប់ បានស្ទូចយកទៅអធិការដ្ឋាន ដើម្បីទុកជាភស្តុតាងកសាងសំណុំរឿង។

រូបពីហ្វេសប៊ុករដ្ឋមន្ត្រីក្រសួងព័ត៌មាន

អ្នកនាំពាក្យរដ្ឋបាលខេត្តព្រះសីហនុ បានបញ្ជាក់ថា «ហេតុការណ៍នេះបណ្ដាលមកពីការធ្វេសប្រហែសរបស់អ្នកបើកបររថយន្តបែននោះ ពីព្រោះនៅកន្លែងឆ្លងកាត់ផ្លូវដែកក៏មានស្លាកសញ្ញាដែរ ម្យ៉ាងគាត់មិនបានយកចិត្តទុកដាក់គោរពច្បាប់»៕