ពីនេះ ពីនោះ
ព័ត៍មានសុខភាព
ជួយចែករំលែក! បញ្ចុះជាតិស្ករក្នុងឈាមយ៉ាងឆាប់រហ័ស ដោយគ្រាន់តែទទួលទានអាហារទាំងនេះ
×![]()
ដោយ: ថ្មីៗ
ជាញឹកញយ ភាពមិនប្រក្រតីនៃកម្រិតជាតិស្ករក្នុងឈាមបង្កើនហានិភ័យនៃជំងឺទឹកនោមផ្អែមប្រភេទទី ២។ ក្រៅពីការធ្វើលំហាត់ប្រាណទៀងទាត់ របបអាហារដើរតួនាទីយ៉ាងសំខាន់ក្នុងការទប់ស្កាត់ ក៏ដូចជាកាត់បន្ថយហានិភ័យនៃកម្រិតជាតិស្ករក្នុងឈាមឡើងខ្ពស់។ ថាតើអាហារប្រភេទណាខ្លះទៅដែលមានប្រសិទ្ធិភាពជួយកាត់បន្ថយកម្រិតជាតិស្ករក្នុងឈាម? 
ខាងក្រោមនេះយើង នឹងបង្ហាញឱ្យដឹងពីអាហារអ្នកគួរបន្ថែមក្នុងរបបអាហារប្រចាំថ្ងៃដើម្បីជៀសផុតពីហានិភ័យនៃជំងឺទឹកនោមផ្អែមប្រភេទទី ២ ៖
១. ត្រីសម្បូរខ្លាញ់
ត្រីសាលម៉ុន, ត្រីធូណា, ត្រីសាឌីន, ត្រី Halibut និង ត្រី mackerel សុទ្ធតែជាប្រភេទនៃត្រីដែលមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ ជួយកាត់បន្ថយភាពធន់នឹងអាំងស៊ុយលីនចំពោះអ្នកជំងឺទឹកនោមផ្អែម ក៏ដូចជាអ្នកកំពុងប្រឈមមុខនឹងហានិភ័យនៃជំងឺនេះ។ លើសពីនេះទៅទៀត អាស៊ីតខ្លាញ់អូមេហ្គា ៣ ក៏ល្អសម្រាប់សុខភាពសន្លាក់ឆ្អឹង, បេះដូង និងខួរក្បាលផងដែរ។
២. គ្រាប់ធញ្ញជាតិ និងគ្រាប់ពូជ
គ្រាប់ធញ្ញជាតិ និងគ្រាប់ពូជ ក៏ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ជួយប្រយុទ្ធប្រឆាំងជាមួយភាពធន់នៃអាំងស៊ុយលីនផងដែរ។ ប្រភពនៃគ្រាប់ធញ្ញជាតិដែលមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ គឺគ្រាប់វាល់ណឺត, គ្រាប់អាល់ម៉ុន, គ្រាប់កៅឡាក់, គ្រាប់ស្វាយចន្ទី និងគ្រាប់ Brazil nuts។ រីឯគ្រាប់ពូជដែលមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ វិញ គឺគ្រាប់ជី, គ្រាប់ល្ង, គ្រាប់ផ្កាឈូករ័ត្ន, គ្រាប់ល្ពៅ និងគ្រាប់ flax seeds។
៣. បន្លែបៃតង
បន្លែបៃតងមានផ្ទុកសម្បូរទៅដោយជាតិសរសៃ និងសារធាតុចិញ្ចឹមដែលចាំបាច់សម្រាប់រាងកាយជួយកាត់បន្ថយកម្រិតជាតិស្ករក្នុងឈាម ក៏ដូចជាជាតិកូឡេស្តេរ៉ូលមិនល្អគួរឱ្យកត់សម្គាល់ផងដែរ។
៤. ខ្ទឹមស និងខ្ទឹមបារាំង
យោងតាមអ្នកជំនាញផ្នែកសុខភាពជាច្រើនបានឱ្យដឹងថា ខ្ទឹមស និងខ្ទឹមបារាំង មានផ្ទុកសារធាតុដែលមានប្រសិទ្ធិភាពខ្ពស់ជួយបញ្ចុះជាតិស្ករក្នុងឈាម និងទប់ស្កាត់ព្យាបាលជំងឺទឹកនោមផ្អែមប្រភេទទី ២។ ដូច្នេះហើយទើបការទទួលទានខ្ទឹមស និងខ្ទឹមបារាំងឱ្យបានញឹកញាប់ ឬរួមបញ្ចូលវាក្នុងអាហារជាគំនិតប្រសើរបំផុត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
