ឧកញ៉ា ដែលប្រើហិង្សាលើនារីខារ៉ាអូខេ ត្រូវដោះលែងវិញ

ជាតិ

សង្គមជាតិ

ឧកញ៉ា ដែលប្រើហិង្សាលើនារីខារ៉ាអូខេ ត្រូវដោះលែងវិញ

07, Jan 2019 , 2:30 pm

រូបភាព

ឧកញ៉ា វន ប៊ុនថៃ ពេលត្រូវសមត្ថកិច្ចឃាត់ខ្លួន

ដោយ: ថ្មីៗ

ឧកញ៉ា វន ប៊ុនថៃ ត្រូវបានស្នងការនគរបាលយុត្តិធម៌ខេត្តកំពង់ចាម ដោះលែងឲ្យមានសេរីភាពឡើងវិញ។ ឧកញ៉ារូបនេះ ត្រូវចាប់ខ្លួន ដោយសារតែប្រើអំពើហិង្សាលើនារីម្នាក់ជាអ្នកកំដរក្នុងខារ៉ាអូខេ។

សារព័ត៌មានថ្មីៗ មិនអាចសុំការបញ្ជាក់ពីមូលហេតុនៃការដោះលែងនេះ ពីសំណាក់លោក ឯម កុសល ស្នងការខេត្តកំពង់ចាមបានទេ ដោយសារតែលោក ប្រាប់ថាកំពុងជាប់រវល់ ហើយក៏ចុចផ្តាច់ទូរសព្ទ។ ចំណែកឯខាងរដ្ឋបាលតុលាការខេត្ត សុំមិនបកស្រាយ ដោយលើកហេតុផល សំណុំរឿងនេះ ពុំបានបញ្ជូនទៅដល់ដៃតុលាការនោះទេ។

សមត្ថកិច្ច បានចាប់ឧកញ៉ា វន ប៊ុនថៃ កាលពីយប់ថ្ងៃទី៥ ខែមករា ឆ្នាំ២០១៩ ក្រោយទទួលដំណឹងថាឧកញ៉ារូបនេះ បានប្រើអំពើហិង្សាលើនារីជាអ្នកកំដរក្នុងខារ៉ាអូខេមួយ ក្នុងក្រុងកំពង់ចាម។ មូលហេតុគឺដោយសារតែ នារីខារ៉ាអូខេ មិនព្រមឲ្យឧកញ៉ា វ័ន ប៊ុនថៃ លូកលាន់លើនាង ទើបបណ្តាលឲ្យឧកញ៉ារូបនេះ ខឹង ហើយក៏ប្រើអំពើហិង្សាតែម្តង៕