ពីនេះ ពីនោះ
×![]()
ដោយ: ថ្មីៗ
តាមការប្រើប្រាស់ពាក្យ «Camera» ជាភាសាខ្មែរកន្លងមក មិនទាន់មានអ្នកណាប្រើពាក្យនេះឲ្យត្រឹមត្រូវ និងប្រើឯកភាពគ្នានៅឡើយទេ។ ពាក្យ «Camera» នេះនៅមានអ្នកប្រើខុសគ្នា ដោយអ្នកខ្លះសរសេរ «កាំមេរ៉ា» និងខ្លះទៀតសរសេរជា«កាមេរ៉ា» ហើយខ្លះទៀត សរសេរជា«កាមីរ៉ា» តែមិនច្បាស់ថាពាក្យណាមួយគួរតែប្រើជាផ្លូវការនៅឡើយទេ។
បើយោងតាមក្រុមប្រឹក្សាជាតិភាសាខ្មែរ ពាក្យដែលយើងគួរតែសរសេរ និងត្រឹមត្រូវនោះគឺ «កាមេរ៉ា» មិនមែន «កាំមេរ៉ា» ឬ«កាមីរ៉ា» ឡើយ។ «កាមេរ៉ា» ដែលបកប្រែពីភាសាអង់គ្លេស «Camera» មានន័យថា ម៉ាស៊ីនសម្រាប់ថតរូប និងថតវីដេអូ។ ដើម្បីឲ្យពាក្យនេះ ប្រើជាផ្លូវការ មហាជនគួរតែប្រើពាក្យ «Camera» ជាភាសាអង់គ្លេស ទៅជាភាសាខ្មែរថា«កាមេរ៉ា»។
មានពាក្យផ្សេងៗជាច្រើនទៀត ដែលពលរដ្ឋខ្មែរប្រើខុសក្បួនដែលក្រុមប្រឹក្សាជាតិភាសាខ្មែរបានកំណត់ជាឯកច្ឆន្ទ ពាក្យទាំងនោះមានដូចជា ពាក្យ អ៊ីនធឺណិត, កុំព្យូទ័រ,ទូរសព្ទ, វេបសាយ ជាដើម។ ពាក្យទាំងបានរៀបរាប់នេះ ជាពាក្យត្រឹមត្រូវ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
