អត្ថបទពាណិជ្ជកម្ម
VG MEDIA និងអ្នកនិពន្ធវ័យក្មេងសោម នីសោភា រួមដៃគ្នាផលិតរឿងភាគទូរទស្សន៍«នៅពីក្រោយស្នាមញញឹម»
×![]()
ក្រុមហ៊ុន VG Media ដែលជាក្រុមហ៊ុនផ្តល់សេវាកម្មផលិតភាពយន្ត, ផលិតស្ពតពាណិជ្ជកម្ម, ថតរូប និងវីដេអូផ្សេងៗ បានរួមដៃគ្នាជាមួយអ្នកនិពន្ធវ័យក្មេងដ៏មានទេពកោសល្យ សោម នីសោភា ក្នុងការផលិតភាពយន្តភាគទូរទស្សន៍ដែលមានចំណងជើងថា «នៅពីក្រោយស្នាមញញឹម»។ ពិធីចុះហត្ថលេខាព្រមព្រៀងផលិតរួមគ្នានេះ បានធ្វើឡើងកាលពីថ្ងៃទី៩ ខែមករា ឆ្នាំ២០១៩ នៅការិយាល័យរបស់ក្រុមហ៊ុន VG Mediaផ្ទាល់។
នៅក្នុងពិធីចុះហត្ថលេខានេះ អ្នកនិពន្ធ សោម នីសោភា ដែលជាម្ចាស់ជ័យភីអ្នកនិព្ធឆ្នើមប្រចាំឆ្នាំ២០១៧ផងនោះ បានឲ្យដឹងថា ខ្លួននិងក្រុមហ៊ុន VG Media នឹងផលិតភាពយន្តភាគទូរទស្សន៍ «នៅពីក្រោយស្នាមញញឹម»នេះ ចំនួន៦០ភាគ។ អ្នកនិពន្ធ សោម នីសោភា រៀបរាប់ទៀតថា «នៅពីក្រោយស្នាមញញឹម» ឆ្លុះបញ្ចាំងពីជីវិតនៅក្នុងសង្គមផ្ទាល់ ដោយនឹងរៀបរាប់ពីជីវិតរបស់យុវជនមួយក្រុម ដែលមានក្ដីស្រមៃចង់បង្កើតជាក្រុមតន្ត្រីជាមួយគ្នា។ ប៉ុន្តែនៅក្នុងដំណើរជីវិតជាក់ស្តែង មិនដូចអ្វីដែលពួកគេចង់បាននោះឡើយ ដោយសារសមាជិកក្នុងក្រុមម្នាក់ៗ ត្រូវទៅបំពេញភារកិច្ច និងជួបបញ្ហារៀងៗខ្លួន ដូចជាស្នេហា មិត្តភភ្តិ ការងារ ការធ្វើជំនួញជាដើម។ អ្នកនិពន្ធ សោម នីសោភា បានបញ្ជាក់ទៀតថា បញ្ហាស្ត្រី ក៏ត្រូវបានលើកឡើងនៅក្នុងភាពយន្តភាគដ៏ល្អមួយនេះដែរ ហើយរឿងរ៉ាវទាំងអស់នេះ សុទ្ធសឹងជាបញ្ហាដែលកើតឡើងក្នុងសង្គមរបស់យើងផ្ទាល់។
ចំណែកឯ លោក សៀង វិរៈ អ្នកគ្រប់គ្រងទូទៅរបស់ក្រុមហ៊ុន VG Media បានលើកឡើងថា នេះគឺជាការចាប់ផ្ដើមមួយដ៏ល្អ ក្នុងចាប់ដៃគូជាមួយអ្នកនិពន្ធ ដែលមានទេពកោសល្យ ដូចកញ្ញា សោម នីសោភា ក្នុងកាផលិតភាពយន្តភាគទូរទស្សន៍ដែលមានចំនួន ៦០ភាគនេះ។ អ្នកគ្រប់គ្រងទូទៅ មានជំនឿយ៉ាងមុតមាំថា ភាពយន្តភាគថ្មីនេះ នឹងនាំមកនូវចំណីអារម្មណ៍ថ្មីមួយប្លែកទៀតសម្រាប់ទស្សនិកជន ជាពិសេសភាពយន្តនេះ គឺឆ្លុះបញ្ចាំងពីបញ្ហានានាដែលកើតឡើងក្នុងសង្គមផ្ទាល់ផងដែរ។ លោក សៀង វិរៈ បញ្ជាក់បន្តដូច្នេះ៖«ចំពោះការផលិតភាពយន្តនេះ ខ្ញុំជឿជាក់លើអ្នកនិពន្ធរបស់ខ្ញុំខ្លាំងមែនទែន ពីព្រោះរឿងនេះ ក៏បានលើកឡើងពីជីវិតផ្ទាល់របស់អ្នកនិពន្ធផងដែរ»។
ទន្ទឹមនឹងក្តីសង្ឃឹមថាទស្សនិកជននឹងពេញចិត្តចំពោះភាពយន្តភាគថ្មីនេះ លោក សៀង វិរៈ អ្នកគ្រប់គ្រងទូទៅរបស់ក្រុមហ៊ុន VG Media ក៏បានប្តេជ្ញាដែរថា ក្រុមហ៊ុនរបស់លោក នឹងព្យាយាមរុករកអ្វីដែលថ្មី ប្លែកដើម្បីមកបំពេញសេចក្តីត្រូវការជូនដល់ប្រិយមិត្តទាំងអស់ ទៅថ្ងៃអនាគតផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
