កីឡាជាតិ
ជាតិ
សុបិនមកលេងអាស៊ីរបស់ Ramos Alexis បានសម្រេចតាមរយៈវត្តមាននៅអង្គរថាយហ្គឺរ
× កាលពីពេលថ្មីៗកន្លងទៅនេះ ក្លិបបាល់ទាត់អង្គរថាយហ្គឺរដែលមានមូលដ្ឋាននៅខេត្តសៀមរាបបាននាំចូលខ្សែប្រយុទ្ធអាហ្សង់ទីន Ramos Alexis ដើម្បីត្រៀមប្រជែងក្នុងពានរង្វាន់ក្របខណ្ឌមិត្តហ្វូនខេមបូឌានលីគរដូវកាលថ្មី។ ការមកកាន់តំបន់អាស៊ីលើកដំបូងនេះ គឺជាក្តីបំណងរបស់កីឡាករវ័យ២៩ឆ្នាំរូបនេះ។
ក្រោយចុះកិច្ចសន្យារយៈពេល១ឆ្នាំជាមួយក្លិបអង្គរថាយហ្គឺរ ខ្សែប្រយុទ្ធអាហ្សង់ទីន Ramos Alexis បានអះអាងថា ការមកកាន់ទឹកដីតំបន់អាស៊ីជាក្តីប្រាថ្នា ដែលខ្លួនបានកន្លងមក។ ក្នុងបទសម្ភាសកន្លងមកកីឡាករកម្ពស់១,៩៣ម៉ែត្ររូបនេះបាននិយាយថា៖«“និយាយដោយស្មោះត្រង់ ខ្ញុំចង់លេងនៅតំបន់អាស៊ី។ មុនពេលមានការចាប់អារម្មណ៍ពីគ្រូបង្វឹក Oriol ខ្ញុំមានរឿងតិចណាស់ដែលត្រូវគិតថា នឹងសម្រេចចិត្តមកទីនេះ»។
ដោយសារយល់ថាជាកីឡាករអាហ្សង់ទីនទី១ កីឡាករវ័យ២៩ឆ្នាំខាងលើបានប្តេជ្ញាចិត្តថា រូបគេនឹងខិតខំប្រឹងប្រែងលេងឲ្យអស់ពីសមត្ថភាព ដើម្បីកិត្តិយសផ្ទាល់ខ្លួននិងប្រទេសជាតិរបស់គេ។ លើលពីនេះ រូបគេនឹងព្យាយាមរកគ្រាប់បាល់ឲ្យបានច្រើនគ្រប់ការប្រកួត ដើម្បីជួយក្រុមអង្គរថាយហ្គឺរឲ្យទទួលបានលទ្ធផលល្អក្នុងការប្រកួត។
កីឡាករដែលកើតនៅរដ្ឋ Mardel Plata ក្នុងទីក្រុងប៊ុយណូស៊ែ ប្រទេសអាហ្សង់ទីនរូបនេះ ជោគជាំដោយបទពិសោធក្នុងការលេងបាល់ទាត់។ រូបគេធ្លាប់លេងឲ្យក្លិបជាច្រើននៅប្រទសអាហ្សង់ទីន, អេក្វាទ័រ, អ៊ុយរ៉ូហ្គាយ, ម៉ាល់ត៍, វ៉េណេស៊ុយអេឡា និងអែលសាល់វ៉ាឌ័រ៕
Tag:
អង្គរថាយហ្គឺរ
Ramos Alexis
© រក្សាសិទ្ធិដោយ thmeythmey.com