កីឡាការិនីកាយសម្ព័ន្ធអាមេរិកម្នាក់រកបាន១០ពិន្ទុពេញដែលមិនធ្លាប់មានពីមុន

កីឡាអន្តរជាតិ

អន្តរជាតិ

កីឡាការិនីកាយសម្ព័ន្ធអាមេរិកម្នាក់រកបាន១០ពិន្ទុពេញដែលមិនធ្លាប់មានពីមុន

16, Jan 2019 , 5:34 pm

រូបភាព

Katelyn-Ohashi-កីឡាការិនីកាយសម្ព័ន្ធរបស់ក្រុម-UCLA

ដោយ: ទេព ពិទូរ្យ

នាង Katelyn Ohashi កីឡាការិនីកាយសម្ព័ន្ធរបស់ក្រុម UCLA Bruins បានទទួលភាពល្បីល្បាញលើប្រព័ន្ធអ៊ីនធឺណិត បន្ទាប់ពីរកបានពិន្ទុល្អឥតខ្ចោះរហូតដល់១០ពិន្ទុពេញមិនធ្លាប់មាននៅក្នុងកម្មវិធីប្រកួតប្រជែង Collegiate Challenge ក្នុងក្រុង Anaheim រដ្ឋកាលីហ្វ័រនីញ៉ា សហរដ្ឋអាមេរិក នៅថ្ងៃទី១៣ ខែមករាកន្លងទៅ។

Ohashi មានវ័យ២១ឆ្នាំ និងមានដើមកំណើតពីទីក្រុង Seattle សហរដ្ឋអាមេរិក បានក្លាយជាកីឡាការិនីដំបូងបំផុតរបស់ UCLA Bruins ដែលទទួលបាន១០ពិន្ទុពេញពីការសម្តែងជាមួយនឹងភាពប៉ិនប្រសប់របស់នាងនៅលើក្តាតាពី។

វីដេអូដែលបង្ហាញពីការសម្តែងរបស់នាង ដែលបង្ហោះដោយគណនី Twitter របស់ UCLA ផ្ទាល់នោះបានទទួលការ Retweets ឡើងវិញរហូលដល់ ១៦៤៧០៤ និងចុច Like ជិត៧សែននាក់ គិតត្រឹមថ្ងៃទី១៦ ខែមករា ឆ្នាំ២០១៩នេះ។

A isn't enough for this floor routine by @katelyn_ohashi. pic.twitter.com/pqUzl7AlUA
— UCLA Gymnastics (@uclagymnastics) January 13, 2019

បើតាមការចុះផ្សាយរបស់កាសែត The Los Angeles Times នាង Ohashi ធ្លាប់បានជួយក្រុម UCLA Bruins នេះឈ្នះពានរង្វាន់ NCAA កាលពីឆ្នាំមុន បើទោះបីនាងទើបជួមគ្រោះថ្នាក់ចរាចរណ៍ហើយថ្មីៗក៏ដោយ។ ប៉ុន្តែយ៉ាងណាកាលនោះ នាងមិនបានរៀបរាប់ពីបញ្ហារាងកាយដែលប្រឈមអំឡុងពេលនាកប្រកួតប្រជែងឡើយ។

នេះជាវីដេអូដែលបង្ហាញពីការប្រកួតរបស់ Ohashi កាលពីឆ្នាំមុន បើទោះនាងទើបជួបគ្រោះថ្នាក់ក្តី។