ជាតិ
នយោបាយជាតិ
រឿងEBA៖ អ្នកនាំពាក្យ ព្រមានថា រដ្ឋាភិបាល នឹងចាត់វិធានការអ្នកបង្កើតព័ត៌មានមិនពិត
លោក ផៃ ស៊ីផាន អ្នកនាំពាក្យរដ្ឋាភិបាល
×![]()
ដោយ: ថ្មីៗ
លោក ផៃ ស៊ីផាន អ្នកនាំពាក្យរដ្ឋាភិបាល បានចេញសេចក្តីថ្លែងការណ៍ នៅថ្ងៃទី១៧ ខែមករា ឆ្នាំ២០១៩ ដើម្បីឆ្លើយតបនឹងការបកស្រាយពីមជ្ឍដ្ឋាននានា ជុំវិញប្រព័ន្ធអនុគ្រោះពន្ធ EBA។ ភាគច្រើននៃសំណេរក្នុងសេចក្តីថ្លែងការនោះ គឺរិះគន់ចំពោះអ្នកបកស្រាយ ថាប្រើពាក្យមិនពិត បង្កើតទស្សនៈអវិជ្ជមាន និងបង្កឲ្យសាធារណជន មានការយល់ច្រឡំចំពោះរឿងនេះ។
តាមរយៈសេចក្តីថ្លែងការណ៍ លោក ផៃ ស៊ីផាន បានចាត់ទុកការបកស្រាយខុសទាំងនោះ ថា ជាចេតនាក្នុងការបង្កើតព័ត៌មានក្លែងក្លាយ និងមានបំណងញុះញុងឬប្រឆាំងនឹងភាពជាដៃគូរវាងកម្ពុជានិងសហភាពអឺរ៉ុប។ អ្នកនាំពាក្យរូបនេះ បានសរសេរយ៉ាងដូច្នេះថា៖«រដ្ឋាភិបាល នឹងចាត់វិធានការដោយម៉ឺងម៉ាត់ និងគ្រប់រូបភាព ក្នុងការថែរក្សាសតិអារម្មណ៍សាធារណៈ ឲ្យស្ថិតក្នុងស្ថិរភាព និងកិច្ចសហប្រតិបត្តិការគ្រប់ជ្រុងជ្រោយ ប្រឆាំងនឹងព័ត៌មានមិនពិត»។
មន្ត្រីជាន់ខ្ពស់របស់រដ្ឋាភិបាល បានលើកយកឃ្លាមួយ គឺ «សហភាពអឺរ៉ុប ទុកច្រកឲ្យរដ្ឋាភិបាលកម្ពុជា» ដែលគេបានលើកឡើង មកធ្វើជាឧទាហរណ៍ ដើម្បីបញ្ជាក់ថាមិនត្រឹមត្រូវ។ លោក បញ្ជាក់ថា ការប្រើឃ្លាបែបនេះ គឺមិនស្របនឹងចរិតការងាររបស់រដ្ឋាភិបាល ដែលជាដៃគូអភិវឌ្ឍជាមួយសហភាពអឺរ៉ុបឡើយ។
មន្ត្រីរដ្ឋាភិបាលរូបនេះ ទំនងជាចង់មានន័យថា សហភាពអឺរ៉ុបនិងកម្ពុជា គឺជាដៃគូស្មើភាពគ្នា ដូច្នេះ មិនអាចប្រើពាក្យថា «សហភាពអឺរ៉ុប ទុកច្រកឲ្យកម្ពុជា» នោះទេ។ លោក បានបញ្ជាក់បែបនេះថា៖«រដ្ឋាភិបាល បានពន្យល់ជាច្រើនសាមកហើយ នូវដំណើរការវិវឌ្ឍនៃកិច្ចពិភាក្សាក្នុងការអនុវត្តកម្មវិធី EBA ដែលស្ថិតក្នុងបរិសយាកាសដៃគូ និងគោរពគ្នាទៅវិញទៅមក ក្នុងក្របខណ្ឌប្រែប្រួល ដែលឆ្លើយតបនឹងចំណូលកើនឡើងរបស់ពលរដ្ឋកម្ពុជា ហើយកិច្ចពិភាក្សានេះ នឹងដំណើរការទៅមុខទៀត រហូតជាងមួយឆ្នាំ»។
តាមរយៈសេចក្តីថ្លែងការណ៍ លោក ផៃ ស៊ីផាន បានចាត់ទុកការបកស្រាយខុសទាំងនោះ ថា ជាចេតនាក្នុងការបង្កើតព័ត៌មានក្លែងក្លាយ និងមានបំណងញុះញុងឬប្រឆាំងនឹងភាពជាដៃគូរវាងកម្ពុជានិងសហភាពអឺរ៉ុប។ អ្នកនាំពាក្យរូបនេះ បានសរសេរយ៉ាងដូច្នេះថា៖«រដ្ឋាភិបាល នឹងចាត់វិធានការដោយម៉ឺងម៉ាត់ និងគ្រប់រូបភាព ក្នុងការថែរក្សាសតិអារម្មណ៍សាធារណៈ ឲ្យស្ថិតក្នុងស្ថិរភាព និងកិច្ចសហប្រតិបត្តិការគ្រប់ជ្រុងជ្រោយ ប្រឆាំងនឹងព័ត៌មានមិនពិត»។
មន្ត្រីជាន់ខ្ពស់របស់រដ្ឋាភិបាល បានលើកយកឃ្លាមួយ គឺ «សហភាពអឺរ៉ុប ទុកច្រកឲ្យរដ្ឋាភិបាលកម្ពុជា» ដែលគេបានលើកឡើង មកធ្វើជាឧទាហរណ៍ ដើម្បីបញ្ជាក់ថាមិនត្រឹមត្រូវ។ លោក បញ្ជាក់ថា ការប្រើឃ្លាបែបនេះ គឺមិនស្របនឹងចរិតការងាររបស់រដ្ឋាភិបាល ដែលជាដៃគូអភិវឌ្ឍជាមួយសហភាពអឺរ៉ុបឡើយ។
មន្ត្រីរដ្ឋាភិបាលរូបនេះ ទំនងជាចង់មានន័យថា សហភាពអឺរ៉ុបនិងកម្ពុជា គឺជាដៃគូស្មើភាពគ្នា ដូច្នេះ មិនអាចប្រើពាក្យថា «សហភាពអឺរ៉ុប ទុកច្រកឲ្យកម្ពុជា» នោះទេ។ លោក បានបញ្ជាក់បែបនេះថា៖«រដ្ឋាភិបាល បានពន្យល់ជាច្រើនសាមកហើយ នូវដំណើរការវិវឌ្ឍនៃកិច្ចពិភាក្សាក្នុងការអនុវត្តកម្មវិធី EBA ដែលស្ថិតក្នុងបរិសយាកាសដៃគូ និងគោរពគ្នាទៅវិញទៅមក ក្នុងក្របខណ្ឌប្រែប្រួល ដែលឆ្លើយតបនឹងចំណូលកើនឡើងរបស់ពលរដ្ឋកម្ពុជា ហើយកិច្ចពិភាក្សានេះ នឹងដំណើរការទៅមុខទៀត រហូតជាងមួយឆ្នាំ»។
បន្ទាប់មក មន្ត្រីដដែលនេះ ក៏អំពាវនាវក្នុងនាមរដ្ឋាភិបាល ឲ្យបណ្តាអង្គភាពនិងបុគ្គលពាក់ព័ន្ធទាំងអស់ គោរពក្រមសីលធម៌ក្នុងការរក្សាដំណើរការពិភាក្សានេះ ដោយមិនត្រូវបង្កការភាន់ច្រឡំណាមួយ ដែលកើតចេញពីព័ត៌មានក្លែងក្លាយនោះទេ។
បច្ចុប្បន្ន គេ កំពុងព្រួយបាម្ភ ចំពោះវិធានការរបស់សហភាពអឺរ៉ុប ក្នុងការដក EBA ដែលអាចបង្កផងប៉ះពាល់សេដ្ឋកិច្ចកម្ពុជា។ មកដល់ពេលនេះ មានរយៈពេលជិតកន្លះឆ្នាំហើយ ដែលសហភពអឺរ៉ុប ដំណើរការនីតិវិធីនៃការដក EBA ។ នីតិវិធីនេះ ត្រូវចំណាយពេលមួយឆ្នាំ ហើយបន្ទាប់មកទើបសហភាពអឺរ៉ុប សម្រេចជាផ្លូវការថា ដកឬមិនដក។
EBA (Everything but Arms) គឺសំដៅលើប្រព័ន្ធអនុគ្រោះពន្ធ លើទំនិញនិងផលិតផលសព្វបែបយ៉ាង ដូចជា សម្លៀកបំពាក់ និង អង្ករ ជាដើម ដែលកម្ពុជា នាំចូលទៅកាន់ទីផ្សារអឺរ៉ុប ដោយលើកលែងតែអាវុធប៉ុណ្ណោះ ដែលមិនរាប់បញ្ចូល។ កម្ពុជា ជាប្រទេសមួយ ដែលបានចុះកិច្ចព្រមព្រៀងជាមួយសហភាពអឺរ៉ុបស្តីពី EBA នេះ ហើយតែងទទួលបានការអនុគ្រោះពន្ធ៕
Tag:
ផៃ ស៊ីផាន
EBA
© រក្សាសិទ្ធិដោយ thmeythmey.com
