គួរអាន! ចង់រក្សាបានសុខភាពឆ្អឹងរឹងមាំ ចូរទទួលទានអាហារទាំងនេះឱ្យច្រើន

ពីនេះ ពីនោះ

ព័ត៍មានសុខភាព

គួរអាន! ចង់រក្សាបានសុខភាពឆ្អឹងរឹងមាំ ចូរទទួលទានអាហារទាំងនេះឱ្យច្រើន

19, Jan 2019 , 6:59 am

រូបភាព

ដោយ: ថ្មីៗ

សុខភាពឆ្អឹងរឹងមាំ គឺចាំបាច់ណាស់សម្រាប់រក្សាសុខភាពរាងកាយទាំងមូលល្អប្រសើរដោយជួយការពារគ្រប់សរីរាង្គខាងក្នុង រួមទាំងសាច់ដុំ។ មនុស្សមិនអាចររស់បានដោយគ្មានឆ្អឹងទ្រទ្រង់ឡើយ! ហើយភាគច្រើននៃពួកយើងសុទ្ធតែបានដឹងថា កាល់ស្យូម ជាសារធាតុដ៏សំខាន់ក្នុងការរក្សាសុខភាពឆ្អឹងរឹងមាំ។ ទោះជាយ៉ាងណា ប្រូតេអ៊ីន, ប៉ូតាស្យូម, beta-carotene, ម៉ាញ៉េស្យូម និងវីតាមីនផ្សេងៗដទៃទៀតក៏សំខាន់ជួយធ្វើឱ្យឆ្អឹងកាន់តែរឹងមាំឡើងផងដែរ។

ខាងក្រោមនេះយើង នឹងបង្ហាញឱ្យដឹងពីអាហារដែលអ្នកគួរទទួលទាន ឬបន្ថែមក្នុងរបបអាហារប្រចាំថ្ងៃ ដើម្បីរក្សាបាននូវសុខភាពឆ្អឹងល្អប្រសើរ និងបង្កើនសុខភាពបេះដូងទប់ស្កាត់ជំងឺផ្សេងៗ ៖

១. ទឹកដោះគោស្រស់

ភេសជ្ជៈនេះនៅតែជាប្រភពដ៏ប្រសើរនៃជាតិកាល់ស្យូម។ ទឹកដោះគោក៏មានផ្ទុកសារធាតុចិញ្ចឹមដទៃទៀត រួមបញ្ចូលទាំងវីតាមីន B12, វីតាមីន D និងជាតិរ៉ែដូចជា ម៉ាញ៉េស្យូម, ប៉ូតាស្យូម និងផូស្វ័រផងដែរ។

២. ត្រីសាលម៉ុន

ត្រីសម្បូរខ្លាញ់ប្រភេទនេះជាប្រភពដ៏ល្អបំផុតមួយនៃសារធាតុចិញ្ចឹមដូចជា ប្រូតេអ៊ីន, អាស៊ីតខ្លាញ់អូមេហ្គា ៣, វីតាមីន D និងកាល់ស្យូមដែលជួយបង្កើនសុខភាពឆ្អឹង។ ដូច្នេះចូរព្យាយាមទទួលទានត្រីសាលម៉ុនឱ្យបានទៀងទាត់។

៣. យ៉ាអ៊ួរ

រួមបញ្ចូលយ៉ាអ៊ួរ ១ ពែងជាប្រចាំក្នុងរបបអាហារប្រចាំថ្ងៃរបស់អ្នក ជាពិសេសប្រសិនបើអ្នកមិនចូលចិត្តទទួលទានទឹកដោះគោស្រស់។ យ៉ាអ៊ួរមានផ្ទុកសម្បូរទៅដោយវីតាមីន D និងកាល់ស្យូម។

៤. តៅហ៊ូ

ក្រៅពីជាតិកាល់ស្យូមហើយនោះ តៅហ៊ូ ក៏មានផ្ទុកសមាសធាតុ isoflavones ដែលជួយរក្សានិងបង្កើនសុខភាពឆ្អឹង និងរាងកាយទាំងមូល។ អ្នកអាចទទួលទានតៅហ៊ូត្រឹមកន្លះពែង ដើម្បីបំពេញតម្រូវការនៃជាតិកាល់ស្យូម ២០ ភាគជាប្រចាំរបស់រាងកាយ។

៥. គ្រាប់ល្ង

គ្រាប់ពូជតូចល្អិតនេះមានផ្ទុកសារធាតុចិញ្ចឹមខុសៗគ្នាជាច្រើនដែលជួយបង្កើនសុខភាពឆ្អឹង រួមបញ្ចូលទាំងផូស្វ័រ, ម៉ាញ៉េស្យូម, វីតាមីន D, វីតាមីន k និងកាល់ស្យូម។

៦. ត្រីសាឌីន

ត្រីសាឌីន ក៏ជាប្រភេទត្រីសម្បូរខ្លាញ់មិនខុសពីត្រីសាលម៉ុនប៉ុន្មានដែរ។ ត្រីប្រភេទនេះមានផ្ទុកសម្បូរទៅដោយវីតាមីន D និងកាល់ស្យូមដែលចាំបាច់សម្រាប់រក្សាសុខភាពឆ្អឹងល្អប្រសើរ។

៧. ស្ពៃអេពីណា ឬស្ពៃពួយឡេង

បន្លែនេះជាប្រភពដ៏ប្រសើរនៃជាតិកាល់ស្យូម។ លើសពីនេះទៅទៀត ស្ពៃពួយឡេង ក៏មានផ្ទុកសម្បូរទៅដោយវីតាមីន K ដែលជួយរាងកាយក្នុងការស្រូបយកជាតិកាល់ស្យូមផងដែរ។

៨. ស៊ុត

ទទួលទានផ្នែកពណ៌លឿងនៃស៊ុតដើម្បីទទួលបានវីតាមីន D ប្រមាណដល់ទៅ ៦ ភាគរយនៃតម្រូវការប្រចាំថ្ងៃរបស់រាងកាយ៕

ត្រួតពិនិត្យដោយ www.health.com.kh