អត្ថបទពាណិជ្ជកម្ម
AirAsia ជាជម្រើសក្នុងការហោះហើរទៅកាន់ពិភពលោក ជាមួយនឹងតម្លៃសមរម្យ
× ក្រុមហ៊ុនអាកាសចរណ៍ AirAsia ជាក្រុមហ៊ុនអាកាសចរណ៍ដែលមានតម្លៃទាបបំផុតនៅលើពិភពលោកអស់រយៈពេល១០ ឆ្នាំមកហើយ។ នេះបើយោងតាមក្រុមហ៊ុន Sky trax។ ក្រុមហ៊ុននេះ បានបន្តណែនាំជើងហោះហើរ មកកាន់ប្រទេសកម្ពុជា និងបានភ្ជាប់ប្រទេសនេះ ទៅកាន់១៣០គោលដៅ ផ្សេងៗគ្នានៅទូទាំងអាស៊ីអាគ្នេយ៍ និងទ្វីបអាស៊ី ដោយអញ្ជើញប្រជាជនខ្មែរទាំងអស់ ពង្រីកព្រំដែនធ្វើដំណើររបស់ខ្លួន។
បច្ចុប្បន្ន ក្រុមហ៊ុនអាកាសចរណ៍ AirAsia ហោះហើរចេញពីទីក្រុងចំនួន៣ ពីប្រទេសកម្ពុជា គឺភ្នំពេញ ខេត្តសៀមរាប និងខេត្តព្រះសីហនុ ទៅកាន់គោលដៅចំនួន៦ ពីភ្នំពេញ-បាងកក (ដនមឿង), ភ្នំពេញ-កូឡាឡាំពួរ, សៀមរាប-បាងកក(ដនមឿង), សៀមរាប-កូឡាឡាំពួរ,សៀមរាប-ភូកេត និងព្រះសីហនុ-កូឡាឡាំពួរ។ លើសពីនេះទៅទៀត ក្រុមហ៊ុនអាកាសចរណ៍មួយនេះ បានផ្តល់នូវការតភ្ជាប់ជើងហោះហើរ ទៅកាន់គោលដៅជាច្រើនទៀត រហូតដល់ ១១០គោលដៅ ដូចជាកូរ៉េខាងត្បូង ជប៉ុន កោះបាលី ហុងកុង និងសិង្ហបុរីជាដើម។
នៅឆ្នាំ២០១៨ ក្រុមហ៊ុនអាកាសចរណ៍ AirAsia បានដឹកជញ្ជូនអ្នកដំណើរជាង ១.២៦លាននាក់ ទៅនិងមកកាន់ប្រទេសកម្ពុជា ដោយរក្សាបាននូវកត្តាផ្ទុកជាមធ្យម ៧៨%។ តួលេខនេះ បានបង្ហាញពីសញ្ញានៃការកើនឡើងនៃអ្នកដំណើររបស់ខ្លួន បានធ្វើដំណើរក្នុងគោលដៅទេសចរណ៍ ពាណិជ្ជកម្ម និងការវិនិយោគ ព្រមទាំងគាំទ្រដល់កំណើនសេដ្ឋកិច្ច នៅក្នុងប្រទេសទាំង៣ រួមមានប្រទេសកម្ពុជា ថៃ និងប្រទេសម៉ាឡេស៊ី។
លោកស្រី Laddawan Meesupwatana ប្រធានផ្នែកផលិតផលប្រចាំទីផ្សារឥណ្ឌូចិន បានកត់សម្គាល់ថា នាពេលបច្ចុប្បន្ន ក្រុមហ៊ុនអាកាសចរណ៍ AirAsia បន្តផ្ដល់សេវាលំដាប់ថ្នាក់ពិភពលោក និងបន្ថែមការតភ្ជាប់ ទៅកាន់ទីតាំងថ្មីថែមទៀតទូទាំងអាស៊ីអាគ្នេយ៍។ ប្រទេសថៃ នៅតែជាគោលដៅកំពូល សម្រាប់ប្រជាជនកម្ពុជា ក្នុងការដើរទិញអីវ៉ាន់ និងម្ហូបអាហារ។ ចំណែកប្រទេសម៉ាឡេស៊ី គឺជាគោលដៅពេញនិយម សម្រាប់ឱកាសពាណិជ្ជកម្ម និងវិនិយោគ។
លោកស្រី Laddawan បានមានប្រសាសន៍បន្តទៀតថា៖«ប្រទេសកម្ពុជា ប្រទេសឡាវ ប្រទេសភូមា និងប្រទេសវៀតណាម មានសក្តានុពលដ៏អស្ចារ្យ ហើយយើងគួរតែមើលឃើញផ្លូវថ្មី និងសកម្មភាពសប្បាយរីករាយជាច្រើន ពីក្រុមហ៊ុនអាកាសចរណ៍ AirAsia នៅកម្ពុជា។ យើងសង្ឃឹមថា យើងនឹងទទួលបានការគាំទ្រពីប្រជាជនកម្ពុជា»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com