អន្តរជាតិ
អតីតប្រមុខការទូតអាមេរិក នាំក្រុមហ៊ុនទាញថាមពលពីខ្យល់មកបោះទុនវិនិយោគនៅវៀតណាម រូបភាព៖ Cast UK blog
× អតីតរដ្ឋមន្ត្រីការបរទេសអាមេរិក លោក John Kerry បានដឹកនាំក្រុមហ៊ុនផលិតថាមពលមកពីកម្លាំងខ្យល់ដើម្បីចូលជួបពិភាក្សា និងស្នើដល់រដ្ឋាភិបាលវៀតណាមដើម្បីសហការ និងចាប់ដៃបោះទុននៅទីនោះ។ ការណ៍ដែលអតីតរដ្ឋមន្ត្រីការបរទេស នាំក្រុមហ៊ុនផលិតថាមពលស្អាតប្រភេទនេះទៅវៀតណាម ដោយសារតែលោក ផ្តល់តម្លៃខ្ពស់នៃទំនាក់ទំនងប្រទេសទាំងពីរ។
នៅសល់តែការឯកភាពយល់ព្រមពីភាគីវៀតណាមនោះទេ ក្រុមហ៊ុនផលិតថាមពលអគ្គិសពីចរន្តឬកម្លាំងខ្យល់ ដែលមានការណែនាំ និងគាំទ្រពីអតីតរដ្ឋមន្ត្រីការបរទេសអាមេរិក លោក Jonh Kerry នឹងបង្ហាញវត្តមាននៅក្នុងប្រទេសវៀតណាមហើយ។ នេះបើយោងតាមការចុះផ្សាយរបស់សារព័ត៌មាន វៀតណាម Vietnam News នៅថ្ងៃ១៩ មករា។
តាមប្រភព័ត៌មានដដែលនោះ ដោយមើលឃើញពីការទទួលរងឥទ្ធិពលរបស់វៀតណាមពីបម្រែបម្រួលអាកាសធាតុ និងកង្វះថាមពលសម្រាប់ការអភិវឌ្ឍ លោក Jonh Kerry បានអះអាង ថា លោក បានស្គាល់ធនាគារ និងអង្គការអន្តរជាតិជំនាញៗ ដែលចាប់អារម្មណ៍លើការវិនិយោគនៅក្នុងការផលិតថាមពលស្អាត និងចង់ណែនាំដល់រដ្ឋាភិបាលវៀតណាម។
ប្រមុខការទូតអាមេរិករូបនេះ បានលើកឡើងពីបទពិសោធន៍ជោគជ័យ នៃការអនុវត្តគម្រោងស្រដៀងគ្នានេះនៅក្នុងបណ្តាប្រទេសមួយចំនួនកន្លងមក ដោយរំពឹងថា បើអនុវត្តនៅវៀតណាម ក៏អាចជោគជ័យបានដូចគ្នាផងដែរ។ លោក ក៏បានសង្ឃឹមថា រដ្ឋាភិបាលវៀតណាម និងភ្នាក់ងារក្នុងស្រុកគាំទ្រសំណើវិនិយោគមួយនេះ។
តបជាមួយនឹងសំណើនេះ លោកនាយករដ្ឋមន្ត្រីវៀតណាម Nguyễn Xuân Phúc បានកោតសរសើរចំពោះកិច្ចប្រឹងប្រែងរបស់លោកអតីតនាយករដ្ឋមន្ត្រី Jonh Kerry ហើយលោក ក៏បានសន្យាជំរុញដល់ភ្នាក់ងារពាក់ព័ន្ធរបស់វៀតណាម ក្នុងការពិចារណាលើសំណើរបស់លោក Kerry លើការធ្វើជាដៃគូរួមគ្នាលើការសាងសង់បណ្តាញអគ្គិសនីផលិតពីចរន្តខ្យល់។
លោកនាយករដ្ឋមន្ត្រី បានអះអាងថា វៀតណាម តែងតែផ្តល់អាទិភាពខ្ពស់ទៅលើថាមពលដែលអាចកើតឡើងវិញ និងមិនប៉ះពាល់ដល់បរិស្ថានផង។ ប្រមុខរដ្ឋាភិបាលរូបនេះ ក៏បានបង្ហាញក្តីសង្ឃឹមផងដែរថា លោក Jonhk Kerry និងដៃគូវិនិយោគ នឹងចូលរួមចំណែកកាន់តែច្រើននៅក្នុងចំណងដៃគូអាមេរិក-វៀតណាមទៀតផង៕
© រក្សាសិទ្ធិដោយ thmeythmey.com