រយៈពេលមួយឆ្នាំនៃវត្តមានរបស់ស្មាតហ្វូនជាច្រើន នៅក្នុងឆ្នាំ២០១៨ គេសង្កេតឃើញថា ស្មាតហ្វូនជាច្រើន មានសមត្ថភាពក្នុងការថតរូបភាពគួរឱ្យភ្ញាក់ផ្អើល ការប្រើប្រាស់ថាមពលថ្មបានយូរ និងបន្ទះឈីប ដំណើរការលឿនជាងល្បឿន នៃពន្លឺថែមទៀត។ ប៉ុន្តែរឿងមួយដែលមិនមានការប្រែប្រួលនោះ គឺការប្រើប្រាស់ Notch។ Notch ដែលស្ថិតនៅផ្នែកខាងលើនៃអេក្រង់របស់ស្មាតហ្វូន គឺមានភ្ជាប់ជាមួយ និងសេនស័រ(Sensors)ជាច្រើន ដូចជារន្ធស្រូបសំឡេង និងកាមេរ៉ាSelfies ដែលហាក់ដូចជាមិនអាចដកចេញពី Notch បាននោះទេ។ ក្រុមហ៊ុនស្មាតហ្វូនជាច្រើនក៏ព្យាយាមកាត់បន្ថយទៅលើទំហំនៃគែមព័ទ្ធអេក្រង់របស់ស្មាតហ្វូន និងការធ្វើអោយ Notch នៅលើអេក្រង់នេះកាន់តែមានទំហំតូចប្រៀបបីដូចជាចំណុចតូចមួយដើម្បីឱ្យវាក្លាយជាអេក្រង់ពេញគែម ប៉ុន្តែវត្តមាននៃ Notch គឺនៅតែមាន។
នៅក្នុងឆ្នាំ ២០១៨ គឺជាឆ្នាំដែលមានការនិយមប្រើប្រាស់ "Notch" រហូតដល់ក្រុមហ៊ុនបច្ចេកវិទ្យាមួយគឺក្រុមហ៊ុន vivo ធ្វើការបំបែកនិន្នាការមួយនេះ ហើយបញ្ចេញនូវស្មាតហ្វូនដែលមានអេក្រង់លាតស្មើពេញគែមតែម្តង។ ក្រុមហ៊ុននេះគឺជាអ្នកត្រួសត្រាយផ្លូវនៃកំណែប្រែថ្មីរបស់កាមេរ៉ាខាងមុខតាមរយៈការប្រើប្រាស់កាមេរ៉ាលេចឡើង (Pop-up) វិញសម្រាប់ការថតរូបភាព Selfies ហើយវាក៏បិទដំណើរការវិញស្វ័យប្រវត្តិផងដែរនៅពេលដែលអ្នកប្រើប្រាស់ឈប់ថតកាមេរ៉ាមុខ Selfie នោះ។
អ្វីទាំងអស់ចាប់ផ្តើមជាមួយនឹងក្តីសុបិន្តមួយ
ក្រុមហ៊ុន vivo បង្ហាញជាលើកដំបូងនូវគំនិតច្នៃប្រឌិតនៃស្មាតហ្វូនដែលមានអេក្រង់ពេញគែមដំបូងគេបំផុតនៅក្នុងព្រឹត្តិការណ៍ពិពរណ៍ MWC ឆ្នាំ ២០១៨ ជាមួយនិងវត្តមាននៃ APEX ហើយសារព័ត៌មានធំៗក៏ធ្វើការចុះផ្សាយចំណងជើងព័ត៌មានធំៗ និងការកោតសរសើរពីប្រព័ន្ធផ្សព្វផ្សាយជាច្រើនអំពីទស្សនៈវិស័យនៃការគិតខុសពីគេនេះ។ គំនិតនៃការរចនាស្មាតហ្វូនស៊េរីថ្មី APEX FullView កំណត់នូវស្តង់ដារថ្មីនៃការរចនារូបរាងទៅលើស្មាតហ្វូននេះ វាគឺជាអេក្រង់បង្ហាញពេញលេញដោយគ្មានឧបសគ្គអ្វីក្នុងការរំខាននៅក្នុងពេលដែលអ្នកធ្វើការទស្សនា។ វាក៏បំពាក់នូវបច្ចេកវិទ្យាដ៏ល្អឥតខ្ចោះជាច្រើនទៀតដូចជាបច្ចេកវិទ្យាស្កេនស្នាមម្រាមដៃពាក់កណ្តាលអេក្រង់ (Half-Screen In-Display Fingerprint Scanning Technology) និងជាពិសេសគឺកំណែទៅលើកាមេរ៉ាខាងមុខរបស់ស្មាតហ្វូននេះ។ សម្រាប់កំណែទៅលើកាមេរ៉ាថ្មីនេះគឺអាចលាក់ proximity sensor និង ambient light sensor ជាមួយកាមេរ៉ាមុខដែលដំណើរការនៅក្នុងពេលធ្វើការថតរូបភាព Selfies ហើយនេះគឺជាបទពិសោធន៍ថតរូបដ៏អស្ចារ្យសម្រាប់អ្នកប្រើប្រាស់ថែមទៀត។
ក្រុមហ៊ុននេះ បានចាប់ផ្តើមកាលពី ៣ ឆ្នាំមុននេះ នៅពេលដែលក្រុមហ៊ុនvivo គិតពីការបង្កើតនូវអ្វីមួយ ដែលប្លែកសម្រាប់អតិថិជនរបស់ខ្លួន។ វាចំណាយពេលជាច្រើនឆ្នាំ ក្នុងការស្រាវជ្រាវ និងអភិវឌ្ឍន៍ជាច្រើនឆ្នាំ មុនពេលក្រុមហ៊ុន vivo ដាក់បង្ហាញ APEX ទៅកាន់ពិភពលោក។ មនុស្សម្នាក់អាចស្រមៃមើលថា តើវាមានការរចនាខុសគ្នាប៉ុន្មាន ដែលក្រុមហ៊ុនបានធ្វើតេស្ត និងរុករកមុន ពេលចាប់ផ្តើមគំនិតនេះ? នៅពេលដែលគំនិតនៃស្មាតហ្វូន APEX ត្រូវបង្ហាញនោះ អ្នកប្រើប្រាស់ជាច្រើន និងប្រព័ន្ធផ្សព្វផ្សាយស្វាគមន៍ចំពោះគំនិតថ្មីនេះ ប៉ុន្តែឆ្ងល់ថាតើវានឹងនៅតែជាគំនិតមួយ ឬក្លាយជាការពិតនោះ? ក្រុមហ៊ុន vivo ជឿជាក់ថា គំនិតនេះអាចជាដំណោះស្រាយមួយដែលអាចសម្រេចទៅបាន។ សំណួរបន្ទាប់សម្រាប់ក្រុមហ៊ុន vivo ធ្វើអោយក្តីសុបិន្តរបស់ APEX ក្លាយជាការពិត។
គ្រាន់តែរយៈពេល ៤ខែប៉ុណ្ណោះ បន្ទាប់ពីការបង្ហាញខ្លួនជាលើកដំបូងនៅក្នុងព្រឹត្តិការណ៍ MWC ក្រុមហ៊ុន vivo ផ្តល់នូវការសន្យារបស់ខ្លួន ដើម្បីធ្វើឱ្យក្តីសុបិននៃការរចនាស្មាតហ្វូនដែលមានអេក្រង់ពេញគែម ក្លាយជាការពិតជាមួយវត្តមាននៃស្មាតហ្វូន NEX ផលិតឡើងជាលើកដំបូងជាមួយកំណែថ្មីទៅលើកាមេរ៉ាខាងមុខ។ ស្មាតហ្វូននេះ មានលក្ខណៈពិសេសដោយធ្វើកំណែថ្មីទៅលើកាមេរ៉ាខាងមុខ ហើយវាត្រូវធ្វើតេស្ត ដើម្បីទប់ទល់ និងប្រើប្រាស់ប្រចាំថ្ងៃ ដែលធ្វើឱ្យវាអស្ចារ្យទាំងបច្ចេកវិទ្យា និងភាពងាយស្រួលបំផុត សម្រាប់អ្នកប្រើប្រាស់។
ការធ្វើបេសកកម្មដែលគេគិតថាមិនអាចទៅរួច
កំណែទៅលើកាមេរ៉ាខាងមុខនេះ ត្រូវចាត់ទុកថាជាបេសកកម្មមួយ ដែលមនុស្សជាច្រើនមិនអាចគិតថាទៅរួចបាននោះទេ នៅពេលដែលវាមានការផ្លាស់ប្តូរផ្នែកថ្មីៗជាច្រើន ដូចជាមានភាពស្មុគស្មាញខ្លាំងមែនទែន សម្រាប់ការផលិតទ្រង់ទ្រាយធំនោះ។ វាពិតជាសំខាន់មែនទែនដើម្បីធានាថា កាមេរ៉ារបស់ស្មាតហ្វូននេះ គឺធន់ក្នុងការប្រើប្រាស់ ហើយងាយស្រួលប្រើប្រាស់ថែមទៀត។ ភាពជោគជ័យទៅលើការកែកាមេរ៉ាថ្មីនេះ (ខណៈពេលដែលរក្សានូវការរចនារូបរាងស្តើង និងអាចជឿទុកចិត្តបាននោះ) គឺពិតជាមានភាពលំបាកខ្លាំងមែនទែន ក្នុងការរចនាស្មាតហ្វូនថ្មីមួយនេះ។ ជានិច្ចកាល សម្រាប់ការប្រកួតប្រជែងក្នុងការបង្កើតផលិតផលជាច្រើនប្រកបដោយភាពច្នៃប្រឌិតបំផុតនោះ ក្រុមហ៊ុនបច្ចេកវិទ្យា vivo ធ្វើតេស្តយ៉ាងម៉ត់ចត់ ដើម្បីនាំយកនូវកំណែថ្មីនៃកាមេរ៉ាមុខនេះ សម្រាប់ដល់ដៃរបស់អតិថិជននោះ។
ដើម្បីបង្កើតនូវបន្ទប់សម្រាប់ម៉ូឌែលនៃកំណែទៅលើកាមេរ៉ាខាងមុខ និងអង់តែននេះ ក្រុមហ៊ុនបច្ចេកវិទ្យា vivo បានរចនាឡើងវិញទៅលើបន្ទះសៀវគ្វី (PCB) ដែលមានរាងជាបន្ទះស្តើងដើម្បីគ្របដណ្តប់ ទៅលើគែមនៃរចនាសម្ព័ន្ធខាងក្នុង របស់ស្មាតហ្វូននេះ។ ក្រុមហ៊ុនបច្ចេកវិទ្យា vivo បន្ថែមនូវ Patches សម្រាប់ការធានាថា បន្ទះសៀគ្វី PCB នេះ មានកម្លាំងគ្រប់គ្រាន់។ ខណៈពេលដែលស្រទាប់ដ៏ស្មុគស្មាញនៃម៉ូឌុលនេះ គឺការយកឈ្នះលើបញ្ហាប្រឈមនៃបច្ចេកវិទ្យាជាច្រើន ខណៈពេលដែលវារួមចំណែក ដល់សោភ័ណដ៏ល្អឥតខ្ចោះ នៃការរចនាទៅលើស្មាតហ្វូនចុងក្រោយនេះ។
vivo បានធ្វើកំណែទៅលើកាមេរ៉ាខាងមុខរបស់ស្មាតហ្វូន NEX ជាមួយនឹងការធ្វើតេស្ត និងការពិសោធន៍ ទៅលើទម្ងន់ផងដែរ។ ៨ ផ្នែករបស់ស្មាតហ្វូន NEX ជាមួយកំណែនៃកាមេរ៉ាមុខនេះគឺប្រើប្រាស់នូវបន្ទះកញ្ចក់ក្រាស់ នៅផ្នែកខាងលើ។ កាមេរ៉ាមុខតូចនេះ អាចគ្រប់គ្រងទៅលើទម្ងន់ ១១គីឡូក្រាមក្នុងកាមេរ៉ាមួយ នេះគឺបង្ហាញពីភាពធន់ក្នុងការប្រើប្រាស់ និងការពង្រឹងទៅលើការរចនានោះ។ APEXT និង NEX គឺជាអ្នកដែលផ្លាស់ប្តូរទៅលើស្មាតហ្វូន ដែលប្រើប្រាស់ Notch ជាមួយនឹងដំណោះស្រាយដ៏អស្ចារ្យបំផុត។ ជាមួយនឹងបច្ចេកវិទ្យាដ៏គួរអោយចាប់អារម្មណ៍នេះ ពេលនេះក្លាយជាការពិតហើយ តើឆ្នាំ ២០១៩ នឹងក្លាយទៅជា "ឆ្នាំនៃកាមេរ៉ាលេចឡើង (Popup)" ជំនួសអោយស្មាតហ្វូន Notch វិញមែនទេ?
(អត្ថបទពាណិជ្ជកម្ម)