កីឡាអន្តរជាតិ
អន្តរជាតិ
កីឡាការិនីជប៉ុន Naomi Osaka ឈរចំណាត់ថ្នាក់លេខ១ពិភពលោកក្រោយឈ្នះ Australian Open
× ក្នុងវ័យត្រឹម២១ឆ្នាំ Naomi Osaka សម្រចបានដ៏អស្ចារ្យក្នុងអាជីពរបស់ខ្លួន ដោយបានក្លាយជាកីឡាការិនីវ័យកូនបាល់ដំបូងបំផុតរបស់ជប៉ុន ដែលឈរនៅចំណាត់ថ្នាក់លេខ១ពិភពលោក បន្ទាប់ពីនាងបានបំបាក់កីឡាការិនីសាធារណរដ្ឋឆេក Petra Kvitova ដើម្បីលើកពាន Australian Open។
ជាមួយនឹងជ័យជម្នះ ៧-៦ (៧-២), ៥-៧ និង៦-៤ លើ Petra Kvitova នាង Osaka ក្លាយជាម្ចាស់ជើងឯក Australian Open ជាលើកដំបូង និងជាពាន Grand Slam លើកទីពីរ បន្ទាប់ពីបានឈ្នះជើងខ្លាំងអាមេរិក Serena Williams ក្នុងពានរង្វាន់ US Open។
ជោគជ័យដ៏ធំធេងនេះ នាំឲ្យ Osaka ហក់ឡើងទៅកាន់លេខ១ពិភពលោក ខណៈកាលពីឆ្នាំមុន នាងស្ថិតនៅលេខរៀងទី៧២ឯណោះ។ នេះជាកំណត់ត្រាលើកដំបូងបំផុតដែលជប៉ុនមានកីឡាការិនីវាយកូនបាល់ឈរនៅលំដាប់ទីមួយ។
លោកនាយករដ្ឋមន្ត្រីជប៉ុន ស៊ីនហ្សូ អាបេ ក៏បានផ្ញើសារអបអរសាទរកីឡាការិនី Naomi Osaka ផងដែរ ដោយលោកចាត់ទុកដូចជារាជិនីថ្មីក្នុងពិភពកីឡាជប៉ុន៕
© រក្សាសិទ្ធិដោយ thmeythmey.com