កីឡាអន្តរជាតិ
អន្តរជាតិ
Yuya Osako រត់អបអរគ្រាប់បាល់ជាមួយមិត្តរួមក្រុមជប៉ុន។ រូបភាពពី AFC Asian Cup
×![]()
ដោយ: ទេព ពិទូរ្យ
ជ័យជម្នះដ៏លើសលប់ ៣-០ លើអ៊ីរ៉ង់ បាននាំម្ចាស់ជើងឯក៤សម័យជប៉ុនកក់កៅអីទៅកាន់វគ្គផ្តាច់ព្រ័ត្រដើម្បីដណ្តើមពានរង្វាន់ AFC Asian Cup ឆ្នាំ២០១៩ ជាលើកទី៥។
នាជំនួបវគ្គពាក់កណ្តាល់ផ្តាច់ព្រ័ត្រនៅកីឡដ្ឋាន Hazza Bin Zayed Stadium ថ្ងៃទី២៨ ខែមករា ក្នុងវគ្គទី១ ក្រុមទាំងពីបានបង្ហាញទម្រង់លេងជាមួយនឹងការវាយសម្រុកគ្នាទៅវិញទៅមកប្រហាក់ប្រហែលគ្នា។
ប៉ុន្តែឈានចូលដល់តង់ទី២ ក្រុមរហស្សនាមសាម៉ូរ៉ៃមានឱកាសរកគ្រាប់បាល់បានជាហូរហែលើម្ចាស់ជើងឯក៣សម័យអ៊ីរ៉ង់រហូតដល់ទៅ៣គ្រាប់ដែលធ្វើបានដោយខ្សែបម្រើ Yuya Osako ពីរគ្រាប់ម្នាក់ឯងក្នុងនាទី ៥៦ និង៦៧ មុន Genki Haraguchi បន្ថែមមួយគ្រាប់ទៀតនៅនាទី៩០។ ចប់ការប្រកួតជប៉ុនឈ្នះអ៊ីរ៉ង់ ៣-០។
ជ័យជម្នះនេះបាននាំជប៉ុនដែលឈ្នះពាន Asian Cup ៤លើកលើសគេរួចទៅហើយ ឈានទៅកាន់វគ្គផ្តាច់ព្រ័ត្រជាលើកទី៥ និងជាឱកាសដណ្តើមពាននេះជាកំណត់ត្រាលើកទី៥របស់ពួកគេផងដែ។ ចំណែកក្រុមដែលត្រូវជួបជប៉ុននៅវគ្គផ្តាច់ព្រ័ត្រ អាចជាម្ចាស់ផ្ទះអេមីរ៉ាតអារ៉ាប់រូម ឬកាតា ដែលក្រុមទាំងពីរត្រូវប្រជែងគ្នាក្នុងជំនួបវគ្គពាក់កណ្តាល់ផ្តាច់ព្រ័ត្រនៅយប់ថ្ងៃទី ២៩ ខែមករានេះ៕
Tag:
Asian Cup
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
