Manchester United នឹងត្រូវជួបក្រុមម្ចាស់ជើងឯកចាស់ Chelsea សម្រាប់ការប្រកួត FA Cup ជុំទី៥ បន្ទាប់ពីការចាប់ឆ្នោតរើសគូរួចរាល់នៅយប់ថ្ងៃទី២៨ ខែមករា ឆ្នាំ២០១៩។
ម្ចាស់ជើងឯក១២សម័យ Man Utd បានឈានមកដល់វគ្គនេះ បន្ទាប់ពីពួកគេបានយកឈ្នះ Arsenal ដែលជាម្ចាស់ផ្ទះក្នុងជំនួបជុំទី៤ដោយលទ្ធផល៣-១។ ដោយឡែក Chelsea ដែលលើកពាននេះ ៨ជំនាន់ នឹងត្រូវដឹកនាំធ្វើម្ចាស់ផ្ទះសម្រាប់ជំនួបជុំទី៥នេះ បន្ទាប់ពីយកឈ្នះ Sheffield Wednesday ៣-០។
ក្រុមទាំងពីរធ្លាប់ជួបគ្នានៅវគ្គផ្តាច់ព្រ័ត្រកាលពីរដូវកាលមុន ដោយ Chelsea ជាអ្នកឈ្នះ Man Utd ដោយលទ្ធផល ១-០ ដែលសម្រេចទីដោយ Eden Hazard ដោយបាល់ប៉េណាល់ទី។
ដោយឡែក Tottenham Hotspur បានបន្តបរាជ័យផ្ទូនៗ ដោយចាញ់ Crystal Palace ២-០ បន្ទាប់ពីធ្លាក់ក្នុងពានរង្វាន់ EFL Cup ក្រោមថ្វៃជើង Chelsea។ ក្រុមពី Premier League ដែលហាលអាវត្រឹមជុំទី៤រួមមាន Everton, West Ham United, Burnley និង Newcastle United។
លទ្ធផលនៃការចាប់ឆ្នោតជុំទី៥នេះ៖
- Bristol City Vs Shrewsbury Town ឬ Wolverhampton Wanderers
- AFC Wimbledon Vs Millwall
- Doncaster Rovers Vs Crystal Palace
- Middlesbrough ឬ Newport County Vs Manchester City
- Chelsea Vs Manchester United
- Swansea Vs Barnet ឬ Brentford
- Portsmouth ឬ Queens Park Rangers Vs Watford
- Brighton & Hove Albion ឬ West Bromwich Albion Vs Derby County